U Biełarusi ŭviaduć adkaznaść za hiej-prapahandu. Štraf — da 800 rubloŭ
A kali jaje ŭbačyŭ ci pačuŭ niepaŭnaletni, to možna i zajechać na sutki.
Štrafy za prapahandu homaseksualnych adnosin i biaździetnaści praduhledžany prajektam zakona «Ab źmienie kodeksaŭ pa pytańniach administracyjnaj adkaznaści», što ŭniesieny ŭradam u Pałatu pradstaŭnikoŭ.
Kodeks źbirajucca dapoŭnić art. 19.16 «Prapahanda homaseksualnych adnosin, źmieny połu, biaździetnaści, piedafilii».
«1. Raspaŭsiudžvańnie ŭ luboj formie infarmacyi ŭ metach farmiravańnia ŭ hramadzian ujaŭleńniaŭ ab pryvabnaści homaseksualnych adnosin, źmieny połu, biaździetnaści abo ab pryznańni piedafilii dapuščalnaj —
ciahnie nakładańnie štrafu ŭ pamiery da 20 bazavych vieličyniaŭ (da 800 rubloŭ pa stanie na 2025 hod — NN), na indyvidualnaha pradprymalnika — da 100 bazavych vieličyń, a na jurydyčnuju asobu — ad 100 da 150 bazavych vieličyń.
2. Dziejańnie, praduhledžanaje častkaj 1 hetaha artykuła, paciahnuła aznajamleńnie niepaŭnaletniaha z takoj infarmacyjaj, -
ciahnie nakładańnie štrafu ŭ pamiery ad 20 da 30 bazavych vieličyń abo hramadskija pracy, abo administracyjny aryšt, na indyvidualnaha pradprymalnika — ad 100 da 150 bazavych vieličyń, a na jurydyčnuju asobu — ad 150 da 200 bazavych vieličyń», — havorycca ŭ tekście prajekta.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary
U nas budut choť osnovanija prosiť ubiežiŝie v normalnoj stranie!
Jeśli jeŝio vsie hiei vviedut tožie za hranicu, rabotať voobŝie budiet zdieś niekomu!
Dy ničoha nie zdaryłasia. Prosta "zakanadaŭstva" Paŭnočna-Zachodniaj huberni synchranizujuć z rasiejska-impierskimi "zakonami".