Na MTZ pracujuć 142 zamiežniki z Burundzi, Konha, Kamieruna, Mali i Nihieryi
Ślesary, mulary, bietonščyki, kavali-štampoŭščyki… Śpis vakansij, jakija prapanujuć zamiežnikam na pradpryjemstvie, šyroki. Na MTZ pracujuć zamiežniki z Rasii, Hruzii, Ukrainy, Turkmienistana, Kamieruna, Burundzi, Konha, Mali i Nihieryi, piša sb.by.
Mierhien Redžepaŭ z Turkmienistana — u ich liku. Na pradpryjemstvie jon krychu bolš za hod, i za hety čas razabraŭsia ŭ tonkaściach novaj dla siabie śpiecyjalnaści:
— Pracuju ślesaram miechanazboračnych rabot. Na MTZ pryjechaŭ bieź śpiecyjalnaj adukacyi — tut mianie ŭsiamu navučyli za try miesiacy, paśla čaho atrymaŭ razrad i ciapier pracuju jak prafiesijanał.
U rodnym horadzie Mary ŭ mužčyny zastalisia baćki i dvoje małodšych bratoŭ. Zadumvajecca i pra ŭłasnuju siamju. Ale dla hetaha patrebny finansavy dastatak, razvažaje Mierhien:
— Žyćciom u vašaj haścinnaj krainie zadavoleny. Na zavodzie pryniali ciopła, roźnicy ŭ mientalitecie nie adčuŭ. A voś płaciać značna bolš, čym u Turkmienistanie: siaredni zarobak u maim horadzie ekvivalentny 600 biełaruskim rublam, tady jak u Biełarusi mahu atrymać prykładna ŭ try razy bolš. Heta matyvuje rabić usio sumlenna i stavić sabie vyšejšuju płanku.
Žaziue Kimbiembe pryjechaŭ z horada Kinšasa, što ŭ Konha. Atrymaŭ adukacyju markietołaha ŭ BNTU, ale z ofisnaj pracaj nie skłałasia. Vyrašyŭ avałodać rabočaj śpiecyjalnaściu:
— Akazałasia, što zborka traktaroŭ — heta majo. Dobra razmaŭlaju pa-rusku, tamu nie skłała ciažkaściej chutka asvoicca ŭ kalektyvie, mahu ŭdakładnić luboje pytańnie ŭ kaleh, pahavaryć pa dušach. Ja tut — svoj. Jość dumki zastacca ŭ Biełarusi nazaŭždy.
U siamji Žaziue Kimbiembe finansaŭ chapała nie zaŭsiody, ale na los nie skardzilisia — maci palacieła na pracu ŭ Kanadu, darosłyja brat i siastra znajšli vakansii ŭ rodnym horadzie, ale im, chutčej, pašancavała, razvažaje ciomnaskury ślesar:
— U Konha vialikija składanaści z zaniataściu, siaredni zarobak ledź daciahvaje da sumy, ekvivalentnaj vašym 300 rublam. Jak na heta pražyć? Ja baču, jak biełaruskaja dziaržava kłapocicca pra ludziej. Pracy chapaje, tamu niama prablem z tym, kab prakarmić siamju. A jašče tut jakasnaja miedycyna, hodnaja adukacyja, kramy z tavarami na luby hust.
-
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie
-
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
-
«Takoje ž pošłaje i durnoje». U Łatuški adkazali na novaje videa Volhi Karpušonak
Ciapier čytajuć
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary