32-hadovuju minčanku abvinavačvajuć u tym, što jana stvaryła sietku prastytucyi
Śledčy kamitet zavioŭ kryminalnuju spravu ab zaniatku prastytucyjaj u stalicy. Fihurantka — 32-hadovaja dziaŭčyna.
Pavodle viersii śledstva, spačatku jana sama akazvała seksualnyja pasłuhi za hrošy, a zatym pačała pryciahvać da padobnaha biznesu svaich znajomych.
— «Rabotadaŭca» raźmiaščała na sajtach znajomstvaŭ ankiety z fatahrafijami siabrovak u nižniaj bialiźnie, viała pierapisku z klijentami ad ich imia, ahavorvajučy ŭmovy sustreč, u tym liku miesca i košt. Z ulikam naležnaj joj doli jana atrymlivała materyjalnuju vyhadu ŭ pamiery 30% i 50% ad zarobku kožnaj «padapiečnaj».
Hrašovyja srodki jana atrymlivała najaŭnymi abo praź pieravod na bankaŭskuju kartku. Na praciahu hoda pad kiraŭnictvam pradprymalnaj minčanki intymnyja pasłuhi akazvali dzieviać dziaŭčat. Śledstva ŭstanaviła bolš za sto epizodaŭ złačynnaj dziejnaści abvinavačanaj, — pieradaje Śledčy kamitet.
Na dopycie abvinavačanaja pryznałasia, što arhanizavała zaniatak prastytucyjaj z-za finansavych prablem.
Zaviedziena kryminalnaja sprava pa č. 2 art. 171 (arhanizacyja i vykarystańnie zaniatku prastytucyjaj asobaj, raniej ździejśniŭšaj anałahičnaje złačynstva). Dziaŭčyna źmieščana pad vartu. Rasśledavańnie praciahvajecca.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks9
Kamientary