Hrybniki zapisvajuć videa, jak prosta ŭ lesie jaduć «čortavy jajki»
Biełaruskija hrybniki ŭ lipieni pačali masava vykładać u internet videa, na jakich jany źbirajuć i jaduć hryb pad nazvaj viasiołka zvyčajnaja, taksama viadomy jak «čortava jajka». U niekatorych rolikach ludzi ŭžyvajuć hety hryb syrym — prosta ŭ lesie, tolki źlohku ačyściŭšy ad śmiećcia, zaŭvažyła vydańnie Telegraf.news.
Taki hryb sapraŭdy ličycca jadomym na rańniaj stadyi raźvićcia — u vyhladzie jajka. U Francyi, naprykład, jaho jaduć jak radysku — z sollu i piercam. Jon navat traplaje ŭ sałaty i amlety. Adnak paśla taho jak hryb prarastaje, jon chutka pačynaje hnić i stanovicca nieprydatnym da ŭžyvańnia.
Pry hetym śpiecyjalisty papiaredžvajuć, što źbirać viasiołku varta tolki tym, chto dobra raźbirajecca ŭ hrybach. Jość ryzyka pierabłytać jaje ź inšymi hrybami, naprykład, ź iłžeporchaŭkaj, jakaja moža vyklikać atručvańnie.
Akramia kulinarnaha vykarystańnia, viasiołku taksama vykarystoŭvajuć u narodnaj miedycynie: u vyhladzie nastojek, dla amaładžeńnia, lačeńnia bolaŭ, padahry i navat u kaśmietyčnych metach — naprykład, jak masku dla tvaru. Biełarusy ŭžo niekalki hadoŭ vyvučajuć jaje supraćrakavyja i antymikrobnyja ŭłaścivaści.
Jak pravilna vybirać hryby i jakija ciapier na ich ceny?
Žančynu z Aŭstralii, jakaja nakarmiła siamju stravaj z atrutnymi hrybami, pryznali vinavataj. Tady pamierli try čałavieki
Na minskaj Kamaroŭcy ŭ dva razy patańnieli lisički
Kolki možna zarabić na hrybach za dzień? Biełarus pravioŭ ekśpierymient i zastaŭsia zadavoleny
U Biełarusi zabaranili źbirać čornyja lisički
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij22
Kamientary