Novyja žyłyja kvartały pabudujuć pablizu Minska. Jakimi jany buduć
Pablizu ahraharadka Kałodziščy Minskaha rajona i na terytoryi žyłoha masiva Zialony Bor chutka pačniecca vialikaje budaŭnictva. Padrabiaznaści Minsk-Navinam raskazaŭ staršynia Minabłvykankama Uładzimir Kucharaŭ.
Adpaviednaje rasparadžeńnie ab budaŭnictvie novych žyłych rajonaŭ u hetych łakacyjach 7 žniŭnia padpisaŭ Alaksandr Łukašenka.
— Hetyja placoŭki byli abranyja pa dźviuch pryčynach: jany znachodziacca adnosna niedaloka ad Minskaj kalcavoj aŭtamabilnaj darohi i źjaŭlajucca niezaniatymi, — skazaŭ U. Kucharaŭ.
— Inšych svabodnych terytoryj takich pamieraŭ u Minsku niama. A sacyjalnyja abaviazki ŭ horada jość. U pryvatnaści, heta budaŭnictva žylla dla tych, chto staić na ŭliku majučych patrebu ŭ palapšeńni žyllovych umoŭ, u tym liku šmatdzietnych siemjaŭ, arendnych i sacyjalnych kvater. Tamu kvartały, pra jakija idzie havorka, buduć zabudavany mienavita takim žyllom.
Zaraz u budučych kvartałach prajektujucca kamunikacyi. Usiaho ž realizacyja prajekta zojmie 10—12 hadoŭ.
— Uličvajučy toje, što novyja kvartały buduć niekalki addalenyja ad asnoŭnych žyllovych masivaŭ Minska, usia nieabchodnaja sacyjalnaja infrastruktura tut budzie stvaracca svaja, — dadaŭ U. Kucharaŭ.
Budaŭnictva novych kvartałaŭ pačniecca z prakładki padjaznoj darohi i inžyniernych sietak. Płanujecca, što chutka rabočyja vyjduć na placoŭku.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary