Pavietranaja himnastka pakazała zakuliśsie pracy ŭ Biełdziaržcyrku
Elina Zielanova — pavietranaja himnastka ŭ Biełaruskim dziaržaŭnym cyrku. Dziaŭčyna demanstruje špahaty, z vysokaj chutkaściu abryvajecca na pałotnach z-pad kupała ŭniz, spyniajučysia la samaj padłohi, i moža krucicca ŭ pavietry vyklučna sa strachoŭkaj na šyi.
U svaim tyktoku dziaŭčyna pakazvaje zakuliśsie cyrka i raskazvaje, čaho kaštuje vykanańnie składanych trukaŭ.
Pracoŭnyja dni ŭ cyrku nie abmiažoŭvajucca dniami vystupaŭ — artysty štodzionna zajmajucca na repietycyjnym maniežy i naviedvajuć trenažornuju zału, kab padtrymlivać formu, jakaja dazvolić vykanać ekstremalnyja truki.
Padtrymańnie formy źviazana i sa śpiecyjalnym zdarovym charčavańniem, bahatym na białki i karysnyja tłuščy. Praŭda, Elina nie chavaje, što ŭ składanyja dni jany adjadajucca fastfudam, naprykład, u KFC.
Akramia paŭtareńnia starych elemientaŭ, artysty pastajanna znachodziacca ŭ pošuku novych. Ich prychodzicca paŭtarać šmat razoŭ, pierš čym ich narešcie pabačyć publika. Tak, ciapier Elina aktyŭna zasvojvaje chułachupy. «Nifiha pakul nie atrymlivajecca», — ščyra pryznajecca jana.
Darečy, makijaž dla vystupaŭ Elina robić sabie sama — jana pakazała, jak jon zvyčajna stvarajecca.
Sačyć za kaściumami — padšyvać ich, prać — taksama abaviazak samich artystaŭ. Ale byvajuć situacyi, kali svaimi siłami nie dać rady, tady ŭžo ratujuć kaściumiery. «Mnie, kali ščyra, adcisnucca 50 razoŭ praściej, čym zašyć dzirku ŭ štanach», — kamientuje Elina. I nazyvaje hałoŭnuju składanaść abranaj prafiesii:
«Jak i va ŭsich inšych, u nas byvajuć dni, kali ničoha nie chočacca. Ale kali na niekatorych inšych pracach možna dazvolić sabie być mienš praduktyŭnymi, to ŭ nas tak zrabić nie atrymajecca, tamu što na repietycyjach i asabliva padčas vystupu ty musiš vykłaścisia na ŭsie 200%. My ž nie možam skazać tysiačy hledačoŭ: «Oj, prabačcie, u mianie siońnia PMS». Tamu ŭsie svaje prablemy i balački my pakidajem za maniežam. Ja viedaju vielmi šmat vypadkaŭ, kali artyst vychodzić i z traŭmaj, i z tempieraturaj».
Raskazvaje himnastka i pra pracu inšych artystaŭ. Tak, siamiejnaja para Alaksiej i Volha vystupajuć u cyrku z katami. Pryčym Volha ŭ cyrku ŭžo 28 hadoŭ.
«Heta katy, nie my ich dresirujem, a jany nas. Časta ŭ ich nie byvaje na repietycyjach nastroju. Ale heta ŭsio maje dzieci — dočki i synočki», — ź ciepłynioj adhukajecca žančyna.
Svaich padapiečnych — mejnkunaŭ i dvaravych chvastatych — dresiroŭščyki kormiać suchim premijalnym kormam i miasam. Kali cyrk vyjazdžaje na hastroli, katy taksama jeduć z artystami ŭ śpiecyjalnym transparcie i kletkach. Amal usie žyvioły tut, pa słovach Volhi, doŭhažychary z 20-hadovym stažam.
Cyrk, dzie, miarkujučy pa aktualnych vakansijach, možna zarabić ad tysiačy da dvuch tysiač biełaruskich rubloŭ, — nie adzinaja praca Eliny. Dadatkova jana zarablaje jak trenierka pa aerastretčynhu — raściažcy na pałotnach.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1414
Kamientary
Nie budu rasskazyvať, počiemu, kak i čto, no povieŕtie - eto Iskusstvo!!!