Pieršuju vysnovu z samitu na Alascy, jakuju možna zrabić jašče da taho, jak jon startavaŭ, — heta toje, što staruju, vykryštalizavanuju jašče pry prezidencie Piatry Parašenku i padchoplenuju Uładzimiram Zialenskim formułu «Ničoha pra Ukrainu biez Ukrainy» možna zdavać u muziej, piša Bi-bi-si.
Viadoma, Zialenski moža śćviardžać, što pieramovy pamiž Donaldam Trampam i Uładzimiram Pucinym mohuć być važnymi vyklučna dla dvuchbakovych adnosin pamiž ZŠA i Rasijaj, ale nijak nie dla ŭrehulavańnia va Ukrainie. Adnak pahladzim praŭdzie ŭ vočy — u heta nie vierać navat samyja addanyja hledačy ŭkrainskich praŭładnych telekanałaŭ.
Vašynhtonskija i maskoŭskija čynoŭniki, jeŭrapiejskija lidary, ukrainskija i zamiežnyja ekśpierty — usie sychodziacca ŭ dumcy, što mienavita šlachi vychadu z raźviazanaj Rasijaj vajny suprać Ukrainy stanuć daminujučaj temaj pieramovaŭ na Alascy.
I šancy Ukrainy ŭziać udzieł u hetych pieramovach raźbivajucca ab zabojčuju łohiku amierykancaŭ: prezident Tramp užo sustrakaŭsia na hetuju temu z prezidentam Zialenskim, ciapier para abmierkavać hetuju prablemu z prezidentam Pucinym. A Pucin, nahadajem, nie haryć žadańniem sustrakacca ź Zialenskim.
Treba skazać, što prezident Ukrainy zrabiŭ usio dla taho, kab hołas Kijeva ŭsio ž taki prahučaŭ na hetych pieramovach. Na praciahu apošnich niekalkich dzion Zialenski pravioŭ dziasiatki zvankoŭ ź lidarami jeŭrapiejskich i inšych krain, kab uzhadnić pazicyi. Apafieozam stała videakanfierencyja z udziełam jeŭrapiejskich lidaraŭ i Zialenskaha z adnaho boku i Trampa — z druhoha.
Pavodle paviedamleńniaŭ presy, razmova prajšła lepš, čym čakałasia, i sam prezident ZŠA acaniŭ jaje na «10 z 10».
Ale kančatkovaj upeŭnienaści ŭ tym, jak mienavita projdzie samit na Alascy i jakimi buduć jaho rašeńni (i ci buduć jany naohuł), u ukraincaŭ napiaredadni pieramovaŭ niama. Načnym kašmaram dla Kijeva stała b uzhadnieńnie pamiž Trampam i Pucinym madeli «mir u abmien na terytoryi» ŭ jaje horšym razumieńni, pra jakoje pisała zachodniaja presa: Ukraina pavinna vyvieści svaje siły z Danieckaj i Łuhanskaj abłaściej, a Rasija ŭ adkaz abiacaje spynić ahoń pa ŭsioj linii sudakranańnia i prystupić da źmiastoŭnych mirnych pieramovaŭ.
Zialenski ŭžo zajaviŭ, što kali b jamu pastupiła takaja «prapanova», jon by rašuča ad jaje admoviŭsia. Ale ci nie stanie heta padstavaj dla Trampa vyjści z «ukrainskaha kiejsu»? Sa słovami: ja damoviŭsia pra najlepšyja mahčymyja ŭmovy, a ŭkraincy admaŭlajucca, tamu raźbirajciesia ciapier sami.
Uściešvaje Kijeŭ toje, što pa vynikach videakanfierencyi ź jeŭrapiejskimi lidarami i Zialenskim prezident ZŠA paabiacaŭ nie abmiarkoŭvać z Pucinym terytaryjalnyja pytańni, a zasiarodzicca na pytańniach spynieńnia ahniu. Ale ŭ čym možna być upeŭnienym zahadzia, kali havorka idzie pra Trampa i jahony padychod da pieramovaŭ?
Na druhim polusie — zhoda Pucina na abviaščeńnie nieadkładnaha pieramirja biez papiarednich umoŭ, fiksacyja ciapierašniaj linii sudakranańnia i pačatak sapraŭdnych mirnych pieramovaŭ, značna adroznych ad stambulskich rytualnych tancaŭ.
Adnak u taki varyjant nie vierać, padajecca, navat aptymisty.
Tamu samym lepšym dla Ukrainy vynikam samitu na Alascy vyhladaje adsutnaść lubych damoŭlenaściej i kančatkovaje rasčaravańnie Trampa ŭ jaho rasijskim kalehu.
Kali ŭ vyniku amierykanski prezident jašče i prymie vykarystańnie mytnych i sankcyjnych ryčahoŭ suprać Maskvy i jaje sajuźnikaŭ — dla ŭkraincaŭ budzie cudoŭna. A kali jašče vyrašyć naroščvać vajennuju i finansavuju dapamohu Ukrainie — uvohule idealna dla Kijeva.
Pamiž hetymi krajnaściami jość dziasiatki pramiežkavych varyjantaŭ.
Ci jość u Trampa płan na vypadak, kali Pucin pačnie ciahnuć čas? I kali taki płan jość, to jak da jaho pastavicca Kijeŭ?
Ci moža Tramp dazvolić sabie pazbavicca ad «ukrainskaj prablemy», ryzykujučy tym, što jana ŭ dalejšym stanie jaho asabistym «Afhanistanam», jakim jon tak doŭha i nastojliva paprakaŭ Džo Bajdena? I jak na patencyjnaje adchileńnie Trampa ad mirnaha ŭrehulavańnia reahavać Zialenskamu ŭ svaim subotnim zvarocie?
A tym časam raznastajnaść ekśpiertnych prahnozaŭ uražvaje. Publikacyi ŭ zachodnich ŚMI nie dadajuć ahulnaha razumieńnia situacyi. Zajavy ŭkrainskich čynoŭnikaŭ pa tanalnaści vahalisia ad «my jak nikoli blizkija da zakančeńnia vajny» da «Rasija nie maje namieru spyniać bajavyja dziejańni».
Stvarajecca ŭražańnie, što ŭsie tolki i čakajuć ranicy suboty pa kijeŭskim časie, kali narešcie chacia b niešta stanie zrazumieła. Ci nie stanie.
Sustreča Trampa i Pucina pačniecca a 22-j hadzinie
Siarhiej Łaŭroŭ prybyŭ na Alasku na pieramovy Trampa i Pucina ŭ kofcie z nadpisam SSSR
Jak śpiecsłužby ZŠA rychtujuć sustreču Trampa i Pucina na Alascy
Tramp spadziajecca na dobruju sustreču z Pucinym, ale nie ličyć jaje samaj važnaj
Kreml: Padpisańnia dakumientaŭ pa vynikach pieramoŭ Pucina i Trampa nie płanujecca
Kamientary
1. Na froncie da kanca hodu istotnych źmien nie budzie.
2. Trampa znoŭ apuściać ŭ hetaj sustrečy z Pucinym navat na jahonaj terytoryi. Niahledziačy što maje ŭsie kozyry znoŭ laža pierad pucinym bo hulaje ŭ paddaŭki. Jen vyjdzie poŭnym łuzieram i za jaho čarhovy raz budzie soramna navat jaho prychilnikam i ŭsim prychilnikam Zachadu.
3. Trampu nie daduć Nobiela, i chutčej za ŭsie jaho naminujuć na Šnobiela.
4. Paśla vybaru ŭ Kanhres hrupoŭka z Maha pacierpić parazu (što prymusić respublikancaŭ rabić vysnovy), pieramožuć demakraty jakija pačnuć abvinavačać Trampa va ŭsich hrachach u tym liku ŭ słabaści i łuzierstvie i sprava dojdzie amal da impičmientu.
5. Kab nie vyhladać słabym i kab jaho nie ličyli pucinskim ahientam, dy paźbiehnuć impičmientu, a tak sama ŭličvajučy što jamu nie dali Nobiela, Tramp narešcie razzłujecca, źmienić svaju kamandu na jastrybaŭ i pačnie pa sapraŭdnamu rašuča dapamahać Ukrainie razam z Zachadam (ale moh by zrabić bolš) .
6. Maskovija ŭsio bolš i bolš pačnie buksavać ŭ ekanomicy i ŭ vajnie va Ŭkrainie i zahałosić pra pieramirje kab zachavać tvar i zachoplenyja terytoryi dy paźbiehnuć parazy ŭ vajnie va Ukrainie jakaja abaviazkova budzie kali vajna nie spynicca.
***
Ŭsie budzie tak pry ŭmovie što Ukraina za hety čas nie narobić pamyłak i praciahnie małacić akupantaŭ z dapamohaj technałohij i nie standartnych padychodaŭ na što jana zdolna.
***
Nie dziakujcie.
Samy horšy scenar kali hety ..admovicca pradavać zbroju dźla Ukraina praz eŭrapiejcaŭ i rašučaść rašučych źniknie jak "miražy" Emanuela
Paśla pačniecca ińšaja hulnia i ni ŭ " holf"
Nasamreč jak mnie čakajecca
Jak zaŭsiody u Trampa Šmat ..chaja i ničoha
1. Zbroja ZŠA to kantrakty bujnych sponsaraŭ Trampa (respublikancaŭ), pracoŭnyja miescy vybarščykaŭ prychilnikaŭ respublikanskaj partyi.
Pazbaŭlać ich hrošaj - bić pa svaich sponsarach i vybarščykach.
2. Tak sama Tramp zacikaŭleny vycisnuć haz i naftu Maskovii ź mižnarodnaha eŭrapiejskaha rynku i pavialičyć ŭ im dolu kampanij ad ZŠA (znoŭ ža asnoŭnych sponsaraŭ Trampa).
Tut Eŭropa (Niamieččyna i hd) moža źviazać amierykanskija naftahazavyja kantrakty z kantraktami pa zbroi dla Ukrainy.
3. Nivodny prezident ZŠA nie zdoleŭ mieć i zachavać dobryja adnosiny z Pucinym, navat Trampu pry jahonaj pieršaj kadencyi.
4. Ŭ ZŠA kansensus bolšaści siarod abodvuch partyj i hramadzian ZŠA pa dapamohie Ukrainie. I heta adpaviadaje nacyjanalnym intaresam ZŠA.
Ŭsio heta raniej ci paźniej prymusić Trampa dapamahać Ukrainie. Iści na niepapularnyja kroki suprać hramadstva i sponsaraŭ ŭ demakratyčnaj krainie sa svabodnymi ŚMI - samahubstva.
Ŭsie ŭ vyniku pavinna być dobra. Pytańnie času i pracy.