«Kali zachoča, Zialenski moža amal imhnienna skončyć vajnu z Rasijaj» — Tramp napisaŭ novy dopis
Prezident ZŠA Donald Tramp apublikavaŭ novy post, datyčny dasiahnieńnia miru va Ukrainie. Jon nazvaŭ umovy, jakija nieabchodna vykanać Ukrainie. Faktyčna Pucin mieŭ usio heta da ŭvarvańnia ŭ susiedniuju krainu.
«Prezident Ukrainy Zialenski moža amal adrazu ž pakłaści kaniec vajnie z Rasijaj, kali zachoča, abo ž praciahvać baraćbu. Uspomnicie, jak usio pačałosia. Nijakaha viartańnia Kryma, addadzienaha Abamam (12 hadoŭ tamu, bieź nivodnaha strełu!) — i NIJAKAHA ŬSTUPLEŃNIA UKRAINY Ŭ NATA. Niekatoryja rečy nikoli nie mianiajucca!!!» — napisaŭ jon u svajoj sacsietcy Truth Social napiaredadni vizitu ŭkrainskaha lidara ŭ Bieły dom.
Jak adznačaje CNN, zajava Trampa adlustroŭvaje cisk, ź jakim Zialenski sutykniecca padčas sustrečy ŭ Biełym domie.
«Dźvie ŭmovy, jakija jon pieraličyŭ — kab Ukraina sastupiła Krym, jaki Rasija niezakonna anieksavała ŭ 2014 hodzie, i kab jana pahadziłasia nikoli nie ŭstupać u NATA — uvachodziać u lik umoŭ, vystaŭlenych Uładzimiram Pucinym dla spynieńnia vajny», — piša televizijnaja kampanija. Ale faktyčna Pucin usio heta mieŭ i da poŭnamaštabnaj vajny — krainy NATA nie źbiralisia prymać Ukrainu ŭ svoj aljans.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary