Praz sankcyi rasijskaj delehacyi daviałosia na Alascy apłačvać paliva dla samalotaŭ hatoŭkaj. A heta sotni tysiač dalaraŭ
Dziaržsakratar ZŠA Marka Rubia raspavioŭ na kanale NBC, što praz sankcyi rasijskaja delehacyja pavinna była lacieć u ZŠA ź vialikaj kolkaściu najaŭnych hrošaj.
«Kali rasiejcy pryziamlilisia na Alascy, kab zapravicca palivam, im daviałosia płacić hatoŭkaj, bo jany nie mohuć vykarystoŭvać našu bankaŭskuju sistemu. Jany pavinny kožny dzień raźličvać na nastupstvy», — skazaŭ Rubia.
Samalot Pucina maje ŭmiaščalnaść 152 620 litraŭ, piša BILD. Zhodna z Jet Fuel Price Monitor Mižnarodnaj asacyjacyi pavietranaha transpartu (IATA), cana za hałon avijapaliva (kala 3,8 litra) u apošni čas składała kala 2,10 dalara ZŠA.
Značyć, za adzin samalot Rasija zapłaciła, imavierna, blizu 85 000 dalaraŭ.
Pry hetym, na prykładzie hetaj detali, Rubia padkreśliŭ: na jaho dumku, sankcyi nie mianiajuć chod vajny va Ukrainie.
«Heta nie značyć, što hetyja sankcyi nieadekvatnyja — heta značyć tolki toje, što jany nie paŭpłyvali na zychod vajny», — dadaŭ jon.
Prezident ZŠA Tramp nieadnarazova pahražaŭ uvieści novyja sankcyi, kali Pucin nie pahodzicca na mirnaje pahadnieńnie, ale pakul što heta zastavałasia tolki pahrozami.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary