Pieršy sakratar BRSM pachvaliŭsia adpačynkam u zrujnavanym Maryupali
Pieršy sakratar BRSM Alaksandr Łukjanaŭ vyrašyŭ padvieści vyniki hoda. Pachvaliŭsia «adpačynkam 2023» i zapościŭ zdymki z Ryhoram Azaronkam. Hieałakacyja paznačana jak Maryupal.
«Abmien vopytam z kiraŭnictvam fiederalnaha ahienctva «Rasmaładź», kiraŭnictvam MHAR, RRDM, ministrami pa maładziožnaj palitycy Łuhanskaj, Danieckaj narodnych respublik, a taksama Zaparožskaj i Charkaŭskich abłaściej byŭ važny i nieabchodny dla razumieńnia maštabnych pracesaŭ pracy z moładździu Danbasa klučavych maładziožnych arhanizacyj Rasii i hienieracyi novaha pakaleńni maładziožnych lideraŭ, mnohija ź jakich u svaje 23-25 hadoŭ užo vopytnyja frantaviki-apałčency, jakija vyrazna padzialajuć čornaje ad biełaha», — napisaŭ Łukjanaŭ.
Nie abyšłosia i bieź lubimaha prapahandystami tezisa «chočacie jak va Ukrainie?».
«Maładym biełarusam varta jašče raz zadumacca: ad čaho my adyšli ŭ 2020 hodzie, kali b choć na chvilinu naša ŭłada zdryhanułasia i prajaviła słabaść! Nastupstvy byli b značna horšyja, čym va Ukrainie. Pamiatajcie heta i razumiejcie!» — pierakonvaje Łukjanaŭ.
Lidar BRSM taksama padkreśliŭ, što Biełaruś była i zastajecca sajuźnikam Rasii, jaki całkam raździalaje mety i zadačy vajny. A Łukašenka, pa słovach hałoŭnaha bereesamaŭca, robić usio mahčymaje i niemahčymaje dla taho, kab u rehijonie byŭ mir.
Darečy, niekalki dzion tamu Ksienija Lebiedzieva taksama vyrašyła raspavieści, jak letaś adpačyvała na akupavanych terytoryjach.
«Pajezdka atrymałasia spantannaj, ale vielmi nasyčanaj. Zapisvali intervju z «Abchazam», a jon u razmovie zhadaŭ Krym i dadaŭ: «Nu sami ŭsio pabačycie»… Tak źjaviłasia dumka, što Jałta i Sievastopal ad Daniecka nie takija ŭžo i dalokija. A paśla abstaviny skłalisia tak, što daroha pryviała ŭ Jałtu», — napisała prapahandystka.
Byłaja supracoŭnica STB: Azaronak adnym ź pieršych skinuŭsia hrašyma apierataru na Akreścina, a Pustavy spravazdačyŭsia mamie, što pajeŭ
«Trenier niadaŭna viarnuŭsia z Danbasa, naš pacan». Dzie i z kim trenirujucca Lebiedzieva, Łanskaja i inšyja łukašysty
NAU pieradało ŭ Mižnarodny kryminalny sud dadatkovyja dakumienty, datyčnyja vyvazu ŭ Biełaruś ukrainskich dziaciej
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary