Mis Biełaruś Eleanora Kačałoŭskaja chvalicca adpačynkam u akupavanym Krymie FOTY
U svaim instahramie dziaŭčyna pościć ź Jałty zdymki kavunoŭ i puzatych mužykoŭ na plažy — dla tych, «chto zasumavaŭ pa atmaśfiery adpačynku ŭ Krymie».
U adpačynak na akupavanuju Rasijaj terytoryju Ukrainy Eleanora Kačałoŭskaja adpraviłasia na pasažyrskim siadzieńni aŭtamabila. Storys z Krymskaha masta jana padpisała tak:
— Ja tak čakała hetaj sustrečy. Taki rozny, taki pryhožy i lubimy — Krym (ludzi, mora, hory, zachady, ach!).
Pieršuju ranicu pryhažunia pryśviaciła sportu.
— Ja čakała hetaj ranicy, kab pajści na ranišniuju prabiežku. Bo, naprykład, u Biełarusi ja nie biehaju. Mnie tam chapaje spartzały i prosta fizičnaj nahruzki. Voś tut ja prosta lublu biehčy pa nabiarežnaj. Ja čakała hetaha momantu, kab adarvacca, prabiehčy maksimalnuju kolkaść kiłamietraŭ. Jość svajo zadavalnieńnie zajmacca sportam mienavita tut i zachoŭvać pryhožuju formu — heta taki pryjemny bonus.
Eleanora paviedamiła, što płanaŭ u jaje na hetu vandroŭku vielmi šmat, ale jaje misija 1 — stać šakaładnaj šakaładkaj, tamu pieršyja dni jana źbirajecca valacca na piasku kala mora ŭ kupalniku ad «Miłavicy».
Madel nie hublaje čas darma, a ŭžo zładziła impravizavanuju fotasiesiju z kavunom. A dla tych, «chto zasumavaŭ pa atmaśfiery adpačynku ŭ Krymie», dziaŭčyna pościć zdymki puzatych mužykoŭ na plažy i videa z pryjaznymi katami.
Tym časam siabroŭka Eleanory, Mis Biełaruś — 2021 Darja Hančarevič viarnułasia z adpačynku ŭ Jeŭropie. Aficyjna jana supravadžała biełaruskich dziaciej na konkursie ŭ Italii, ale vandroŭka madeli vidavočna zaciahnułasia. Kala miesiaca Darja zachaplałasia roznymi haradami, a asabliva Vieniecyjaj.
Mis Biełaruś nazvała hańbaj, što nie adkazała na pytańnie pra aŭtara «Paŭlinki»
Ułady tak začyścili vystavu «Art-Minsk», što navat łukašenkaŭcam nie padabajecca
Dzie tusić łukašenkaŭskaja moładź? Pje ŭ «Lebiadzinym», adpačyvaje ŭ Paryžy i Miłanie
Hałoŭnaje — kab u filma byŭ chepi-end. BRSM zvadziŭ «Mis Biełaruś» na premjeru prapahandysckaj karciny
Kamientary