«Ščyra skažam, što Budapiešt nas nie padtrymlivaŭ».
Prezident Ukrainy Uładzimir Zialenski ličyć, što jaho patencyjnaja dvuchbakovaja sustreča z kiraŭnikom Rasii Uładzimiram Pucinym pavinna być u niejtralnaj Jeŭropie, jon taksama nie suprać Turcyi, pieradaje «Interfaks-Ukraina».
«Miesca sustrečy. My ličym spraviadlivym, i jeŭrapiejcy heta padkreślili, kab sustreča prachodziła ŭ niejtralnaj Jeŭropie. Tamu što idzie vajna va Ukrainie i na jeŭrapiejskim kantyniencie. Ja skazaŭ, što my zhodnyja. Šviejcaryja, Aŭstryja — my zhodnyja», — skazaŭ jon padčas razmovy z žurnalistami.
Havoračy pra Turcyju jak pra placoŭku, jon rastłumačyŭ, što heta kraina NATA i «častka Jeŭropy», tamu Ukraina nie suprać.
Pry hetym Zialenski padkreśliŭ, što nijakaj sustrečy ŭ Maskvie być nie moža.
Adnosna Budapiešta jak miesca praviadzieńnia, prezident adznačyŭ, što «siońnia heta niaprosta».
«Heta niaprosta, bo siarod usich jeŭrapiejskich krain jość adzinstva ŭ padtrymcy Ukrainy padčas hetaj vajny. I, budziem ščyrymi, Budapiešt nas nie padtrymaŭ. Ja nie kažu, što palityka Orbana była suprać Ukrainy, ale jana była suprać padtrymki Ukrainy», — rastłumačyŭ jon.
Raniej ŚMI paviedamlali, što ŭ ZŠA razhladajuć Vienhryju jak mahčymaje miesca praviadzieńnia samitu Zialenskaha i Pucina.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary