«Jabłyčki pa 11 rubloŭ». Ceny ŭ kramie šakavali žycharku Žodzina
Da śviata Jabłyčnaha Spasa žycharka Žodzina vyrašyła pravieryć, kolki kaštujuć jabłyki ŭ žniŭni, i źniała videa dla tyktoka. Ceny jaje šakavali, piša Ex-press.live.
«Jabłyčny Cpas. Zaraz zajdu, chaču ŭ kramie pahladzieć, ci jość usio ž taki jabłyki. Pryjšła ŭ kramu «Hryn» i ačmureła ad cen. 8 rubloŭ, 7.99, 8.59, 10.68, 10.88. Nu i nu. 11.49! Jabłyki zialonyja. Nu, heta ž stary ŭradžaj. 8.79 — sacyjalna značny tavar. Ničoha sabie. Pry hetym voś banany, jakija za akijan pryjechali, kaštujuć 4.69», — raskazvaje žančyna.
Atrymlivajecca, što ŭ Žodzinie kiłahram jabłykaŭ kaštuje 8-11 rubloŭ, tady jak banany amal udvaja tańniejšyja.
Pryncypovaj źmieny situacyi čakać naŭrad ci varta. Sioleta ŭradžaj jabłykaŭ u Biełarusi skaraciŭsia amal utraja. Tak, staršynia Bresckaha abłvykankama Piatro Parchomčyk paviedamiŭ, što sioleta čakajecca tolki 37—40 tysiač ton zamiest kala 120 tysiač ton u minułym hodzie. Takoha abjomu chopić dla ŭnutranaha rynku, ale ekspart amal spynicca.
U toj ža čas u Polščy situacyja supraćlehłaja: uradžaj u 2025 hodzie pavialičycca prykładna na 6%. Sady aceńvajucca jak dobryja, asnoŭnyja sarty zachavali stabilnuju praduktyŭnaść. Polskija fiermiery ŭžo rychtujucca da ekspartu i ŭmacoŭvajuć svaje pazicyi na jeŭrapiejskim rynku.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»29
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary