Tranślacyju matča ŭ adkaz płej-of kvalifikacyi Lihi kanfierencyj pamiž «Niomanam» i ispanskim «Raja Valjekana» praviadzie telekanał «Biełaruś 5», paviedamlaje pres-słužba hrodzienskaha kłuba.
U pieršaj sustrečy haradziency na niejtralnym stadyjonie ŭ Vienhryi minimalna sastupili «Raja» — 0:1.
Pajadynak u adkaz adbudziecca ŭ čaćvier, 28 žniŭnia, u Madrydzie na stadyjonie «Kampa de Valjekas». Pačatak a 21:00.
Pieramožca dvuboju vyjdzie ŭ asnoŭny raŭnd Lihi kanfierencyj, kudy hod tamu dabrałasia minskaje «Dynama». Pierad hetym biełaruskija kłuby hulali ŭ asnoŭnaj stadyi jeŭrakubkaŭ u siezonie 2018-2019.
«Nioman» — apošni biełaruski kłub u kvalifikacyi jeŭrakubkaŭ. Žodzinskaje «Tarpieda-BiełAZ», bresckaje i minskaje «Dynama» vylecieli na raniejšych etapach.
«Raja Valjekana» ŭčora, darečy, prajhrała ŭ matčy čempijanatu Ispanii «Atletyku» ź Bilbaa ź likam 0:1.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary