Pa infarmacyi «Našaj Nivy», kiraŭnictva servisu Kvitki.by było zatrymanaje. Pracoŭny instahram kampanii niedastupny, fejsbuk abnaŭlaŭsia apošni raz šeść dzion tamu, a sajt nie adkryvajecca ni ŭ Biełarusi, ni z-za miažy.
Taksama niedastupnyja rabočyja i asabistyja telefony supracoŭnikaŭ kampanii, pa jakich my sprabavali dazvanicca, kab vyśvietlić abstaviny źniknieńnia ich sajta z radaraŭ.
Raniej paviedamlałasia, što na kvitki.by adbyŭsia maštabny techničny zboj — kvitki na blizkija mierapryjemstvy prapanoŭvali nabyvać u kasach ci pieranakiroŭvali da ticketpro.by. Ale nasamreč reč nie ŭ techničnych prablemach — jak «Našaj Nivie» paviedamili niekalki čałaviek, «kantoru zahrabli».
Na praciahu 15 hadoŭ pasadu namieśnicy dyrektara Kvitki.by zajmaje Taćciana Musinzia. Dyrektaram doŭhi čas byŭ Alaksandr Kasinski, ale ŭ 2024 hodzie na hetuju pasadu šukali novaha čałavieka. Jak tolki nam stanie viadoma, chto kankretna z supracoŭnikaŭ trapiŭ pad abłavu, my napišam pra heta dadatkova.
Kvitki.by źjavilisia ŭ 2009 hodzie dziakujučy inviestycyjam litoŭskaj hrupy BLT group Vitalusa Kuodzisa. U 2015 hodzie jaho biznes u Bałtyi i Biełarusi byŭ pradadzieny rasijskaj kampanii «Kasir».
Heta nie pieršyja zatrymańni ŭ kancertnaj śfiery — raniej «Naša Niva» paviedamlała pra dyrektara Pałaca Respubliki Maksima Prychadoŭskaha, jakoha aryštavali, nakolki viadoma, za karupcyju. Taksama ŭ SIZA znachodziacca kiraŭniki ivent-kampanij — Illa Pijatroŭski z Blackout Studio i Alaksandr Manyšaŭ — arhanizatar kancertaŭ, jaki maje dačynieńnie da ahienctvaŭ «Atam Intertejnment» i «Anbrejkbł» i absłuhoŭvaŭ prałukašenkaŭskija mierapryjemstvy.
Dapoŭniena: uviečary 28 žniŭnia sajt kvitki.by pačaŭ znoŭ adkryvacca. Ale ich sacsietki dahetul niedastupnyja — vydalenyja ci stali pryvatnymi, zakrytymi.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary