Pryznali palitviaźniami jašče 11 čałaviek, u tym liku zatrymanych kniharoŭ
13 sakavika pravaabaroncy pryznali palitviaźniami jašče 11 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 1141 čałaviek.
U śpis palitźniavolenych dadali nastupnyja proźviščy:
Dźmitryj Novikaŭ, Natalla Kraŭčak, Raman Karpaŭ, Ivan Pietranievič, Dźmitryj Kondruś, Ihar Dziehciaronak, Uładzimir Mahronaŭ, Alaksiej Čarešnieŭ, Alaksandr Jaŭdacha, Źmicier Kołas, Vacłaŭ Bahdanovič.
Apošnija troje, — Aleś Jaŭdacha, Źmicier Kołas i Vacłaŭ Bahdanovič, — zatrymanyja ŭ ramkach «spravy kniharoŭ», jakuju ŭ apošni miesiac ułady razharnuli suprać nacyjanalnaj intelihiencyi.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1141 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
Sprava kniharoŭ. Čym viadomyja Kołas, Jaŭdacha i Bahdanovič, jakich aryštavali za vydańnie i raspaŭsiud knih
KDB abvieściŭ zatrymanych knihavydaŭcoŭ Jaŭdachu, Bahdanoviča i Kołasa ŭdzielnikami ekstremisckaha farmavańnia
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary