Stała viadoma, pad jakim imieniem ciapier žyvie zahadkavy mastak Benksi
Žurnalisty Reuters daviedalisia, jak na samaj spravie zavuć viadomaha vuličnaha mastaka, jaki chavaje svaju asobu pad psieŭdanimam Benksi. Zhodna z vynikami rasśledavańnia, u dakumientach mastaka ciapier paznačanaje vielmi raspaŭsiudžanaje ŭ Vialikabrytanii imia Devid Džons.
Žurnalisty Reuters pačali rasśledavańnie sapraŭdnaj asoby Benksi ŭ 2022 hodzie, kali mastak stvaryŭ niekalki rabot va Ukrainie padčas vajny. Ich metaj było zrazumieć, jak jon trapiŭ u krainu ŭ hety niebiaśpiečny čas. Redaktary pahavaryli z «dziasiatkam» krynic, blizkich da Benksi, ale nichto nie raskryŭ jaho sapraŭdnaje imia, choć mnohija dzialilisia detalami pra jaho žyćcio i karjeru.
Padčas pracy nad rasśledavańniem žurnalisty vyśvietlili, što ŭ siale Horanka Kijeŭskaj vobłaści tady byli troje mužčyn: dvoje pracavali nad hrafici, a treci ich supravadžaŭ. Treciaha lohka identyfikavali — im byŭ viadomy vajenny fatohraf Džajłs Djuli, jaki straciŭ u Afhanistanie ruku i abiedźvie nohi. Benksi publična padziakavaŭ jamu za dapamohu z ukrainskim prajektam.
Dalej žurnalisty daviedalisia, što Robiert Del Naja z hrupy Massive Attack taksama naviedvaŭ Ukrainu ŭ toj samy dzień praz Polšču razam z Djuli. Adzinaje nieviadomaje było — imia treciaha čałavieka, jaki byŭ ź imi.
Infarmacyju pra sapraŭdnaje imia Benksi dapamahła atrymać kniha Styva Łazarydzisa Banksy Captured. Łazarydzis apisaŭ epizod, kali Benksi ŭ Ńju-Jorku zatrymała palicyja, pakul mastak raśpisvaŭ rekłamny ščyt. Žurnalisty vyvučyli fatahrafii i materyjały spravy i znajšli, što ŭ 2000 hodzie mastaka, zatrymanaha pa hetym adrasie, zvali Robin Haninhiem.
Heta supadała z papiarednimi źviestkami haziety Mail on Sunday z 2008 hoda, jakaja nazyvała Benksi Robinam Haninhiemam z Brystola. Ale ŭ 2022 hodzie Haninhiem sapraŭdy nie zajazdžaŭ va Ukrainu. Tut dapamoh Łazarydzis: jon paviedamiŭ, što Robina Haninhiema «nie isnuje». Paśla 2008 hoda jon pierastaŭ pracavać z mastakom, a adna ź jaho pasłuh — dapamoha sa źmienaj imia. Novaje imia nie mieła sensavaj hulni ci padtekstu — heta prosta zvyčajnaje imia.
Žurnalisty Reuters zmahli pa dakumientach, dastupnych u adkrytym dostupie, daviedacca hetaje imia — mastaka, viadomaha jak Benksi, siońnia zavuć Devid Džons. Takoje raspaŭsiudžanaje imia dapamahaje padtrymlivać kanśpiracyju: u 2017 hodzie ŭ Vialikabrytanii było kala 6000 čałaviek ź imiem Devid Džons.
Takim čynam, u kastryčniku 2022 hoda va Ukrainie nie było Robina Haninhiema, a Devid Džons znachodziŭsia tam razam z Robiertam Del Naja i Džajłsam Djuli.
U Łondanie vandały papsavali novuju pracu Benksi
Benksi prymacavaŭ drony na znaku «Stop» u Łondanie. Znak skrali
Mastak Benksi paćvierdziŭ svajo sapraŭdnaje imia — Bi-bi-si
Brytanskaja para patraciła $250 000, kab prybrać z doma murał Benksi
Va Ukrainie prydumali, jak abaranić ad vandałaŭ i zładziejaŭ vuličnyja hrafici mastaka Benksi
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ13
Kamientary
Daśledavańnie dziela pustoha intaresu abyvacielaŭ.
Jeść šmat niavyjaŭlenych kryminalnikaŭ, ahientaŭ i h.d.