Na płatformie «Bajsoł» abjavili zbor na karyść vyzvalenych siońnia biełaruskich palitviaźniaŭ. Hetych ludziej prymusova departujuć z krainy, i im patrebnaja dapamoha.
Ludziej z padarvanym zdaroŭjem i biez srodkaŭ da isnavańnia prymusova departavali ź Biełarusi, i biez dapamohi z boku suajčyńnikaŭ im budzie nievynosna składana.
«Kožny vyzvaleny atrymaje €1000 praz BYSOL sa srodkaŭ Mižnarodnaha humanitarnaha fondu, adnak hetaj sumy niedastatkova dla zakryćcia ŭsich pytańniaŭ. Tamu my adkryvam zbor na €50000 dla dapamohi palitviaźniam, jakija byli vypuščanyja. My miarkujem, što mnohija ź ich buduć u ciažkim stanie i niekatorym spatrebicca terminovaja dapamoha», — paviedamlajecca na płatformie.
Jość padstavy mierkavać, što hetaja chvala vyzvaleńniaŭ — nie apošniaja.
«My čakajem, što režym budzie i nadalej vypuskać ludziej, sprabujučy, ŭ tym liku, pierahruzić sistemu salidarnaści, jakuju my z vami vybudoŭvali apošnija 5 hadoŭ. I heta surjozny vyklik dla ŭsich nas!», — kanstatuje «Bajsoł».
Suma zboru — €50000, paŭdzielničać u im možna tut.
Poŭny śpis 52 vyzvalenych palitviaźniaŭ
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?
Cisk Polščy daŭ vynik: na svabodu masava vyjšli žurnalisty «Biełsata». Ale pakul nie Pačobut
FOTA ź biełaruska-litoŭskaj miažy prosta zaraz. Najchutčej, u kadry Mikoła Statkievič
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami7
Kamientary
kožnamu !