Jaho ličać datyčnym da novaha «ekstremisckaha farmavańnia» — jutub-kanała «Płatforma 375», jaki rabiŭ debaty z praŭładnymi žurnalistami.
4 vieraśnia, u dzień pryznańnia jutub-kanała «Płatforma 375» «ekstremisckim farmiravańniem», byŭ zatrymany pryznany datyčnym da jaho žurnalist Kirył Paźniak, piša «Pozirk».
Rašeńnie pryznać kanał, zarehistravany ŭ krasaviku 2021 hoda, z 4,05 tys. padpisčykaŭ i 3,41 młn prahladaŭ, u tym liku z efirami z udziełam praŭładnych prapahandystaŭ, ekstremisckim farmavańniem pryniaŭ Kamitet dziaržaŭnaj biaśpieki.
U «Pieralik arhanizacyj, farmiravańniaŭ, indyvidualnych pradprymalnikaŭ, datyčnych da ekstremisckaj dziejnaści» kanał, a taksama jaho akaŭnty ŭ tyktoku ŭklučanyja 11 vieraśnia. «Płatforma 375» stała 311-m «ekstremisckim farmavańniem».
Za dva dni da rašeńnia KDB, 2 vieraśnia, sud Partyzanskaha rajona Minska pryznaŭ kanał «ekstremisckimi materyjałami».
U 2021—2022 hadach kanał pravioŭ niekalki debataŭ pamiž praŭładnymi prapahandystami i ich apanientami, što vymušana vyjechali z krainy. Apošni efir adbyŭsia 3 śniežnia 2022 hoda z udziełam Ryhora Azaronka (STV), Juryja Cieracha («SB. Biełaruś siehodnia») — u Minsku, a taksama Aleha Talerčyka (suzasnavalnik arhanizacyi byłych supracoŭnikaŭ siłavych struktur «Bajpoł») i viadučaha Dzianisa Dudzinskaha.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary
žił