ZŠA pasłabili sankcyi «Biełavija», ale zabaranili vykarystoŭvać amierykanskija samaloty dla palotaŭ u Rasiju
Taksama jany zabaranili adzin łukašenkaŭski bort.
Biuro pramysłovaści i biaśpieki Ministerstva handlu ZŠA (BIS) 12 vieraśnia 2025 hoda vydała aficyjny dazvoł na vykarystańnie biełaruskim nacyjanalnym avijapieravozčykam «Biełavija» peŭnych samalotaŭ amierykanskaj vytvorčaści. Adnak u dakumiencie zachavany šerah žorstkich abmiežavańniaŭ, siarod jakich — zabarona na paloty ŭ Rasijskuju Fiederacyju i inšyja krainy.
Pavodle dazvołu, «Biełavija» moža ažyćciaŭlać:
- paloty vaśmi kankretnych samalotaŭ Boeing u/ź lubych krain (u tym liku Biełarusi),
- ich techničnaje absłuhoŭvańnie, ramont i pieraabstalavańnie,
- pastaŭki abstalavańnia i zapčastak, źviazanych z hetymi samalotami.
Pry hetym zabaronieny:
- paloty ŭ/z Rasii (uklučajučy Krym, Danieckuju i Łuhanskuju vobłaści), Irana, Siryi, Kuby, Paŭnočnaj Karei,
- vykarystańnie samalota Boeing 767 z rehistracyjnym numaram EW001PA (samalot, jakim karystajecca siamja Łukašenki),
- transparciroŭka tavaraŭ, kali jany mohuć być vykarystany dla padtrymki vajskovych dziejańniaŭ Rasii.
BIS adznačaje, što paloty ŭ zabaronienyja rehijony mohuć być dazvoleny tolki pa indyvidualnaj zajavie i na padstavie asobnaha licenzijnaha rašeńnia.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Adkaz usim tym histerečnym asobam, jakija zvyčajna pačynajuć verchał: "nielha zdymać sankcyi! Usio prapała!"
(https://dck8xvlq18iei.cloudfront.net/372126)
A on voobŝie ničieho nie podarił)