Hramadstva11

25‑hadovy palitviazień Mikita Jemialjanaŭ za kratami stračvaje zrok

25‑hadovy junak, jaki znachodzicca za kratami z 2019 hoda, ryzykuje stracić zdaroŭje niezvarotna, piša «Viasna».

Mikita Jemialjanaŭ

Ciapier Mikita adbyvaje pakarańnie ŭ kałonii № 11 u Vaŭkavysku.

U palitviaźnia ŭ jaho maładym uzroście paharašajecca zdaroŭja. U turemnych kamierach Mikita pačaŭ hublać zrok. Dva apošnija hady jamu zabaraniali atrymlivać miedycynskija banderoli: ni vitaminaŭ, ni nieabchodnych preparataŭ. Heta značyć, što ŭłady naŭmysna pazbaŭlajuć jaho elemientarnaj padtrymki arhanizmu.

Palityčny pieraśled aktyvista anarchisckaha ruchu Mikity Jemialjanava pačaŭsia 20 kastryčnika 2019 hoda. Tady 19‑hadovaha chłopca pa troch kryminalnych artykułach asudzili na siem hadoŭ kałonii, ale paśla apielacyi termin skaracili da čatyroch hadoŭ. Za čas znachodžańnia ŭ turmie jaho nieadnarazova źmiaščali ŭ štrafnyja izalatary, jon abviaščaŭ haładoŭki, dvojčy pieravodziŭsia na turemny režym i dvojčy sudziŭsia za «złosnaje niepadparadkavańnie patrabavańniam administracyi kałonii» (art. 411 KK). Jon pavinien byŭ vyjści na volu ŭ hetym hodzie, ale jaho znoŭ asudzili. U vyniku Mikita pravioŭ za kratami amal šeść hadoŭ, a jaho vyzvaleńnie pastajanna adsoŭvajecca.

U traŭni 2021 hoda chłopca pieraviali ŭ Mahiloŭskuju turmu, dzie ŭmovy jašče bolš pahoršylisia. Administracyja turmy pastajanna nakładała spahnańni: jon doŭhi čas utrymlivaŭsia ŭ štrafnych izalatarach biez matraca, śviežaha pavietra i suviazi z rodnymi. Kab pratestavać suprać takich umoŭ, Mikita abviaščaŭ haładoŭki, adna ź jakich praciahvałasia 20 dzion.

Paśla ŭłady zaviali na jaho novuju kryminalnuju spravu pa artykule 411 KK — «złosnaje niepadparadkavańnie patrabavańniam administracyi». U sakaviku 2022 hoda jaho asudzili jašče na dva hady. U 2023 hodzie sud u Vaŭkavysku znoŭ pieravioŭ jaho na turemny režym, i ŭmovy stali jašče ciažejšyja. U studzieni 2025 hoda Mikitu znoŭ asudzili pa tym ža artykule, dadaŭšy jašče adzin hod, i ahułam jon atrymaŭ siem hadoŭ źniavoleńnia — toj samy termin, jaki atrymaŭ pieršapačatkova i jaki byŭ źmienšany apielacyjaj.

Kamientary1

  • Svabodu palitviaźniam!
    20.09.2025
    Voś kaho treba vyzvalać u pieršuju čarhu, a to ŭsie śmi śmiaścili fokus uvahi na adnaho Statkieviča.
    A naša moładź u hety čas ślepnie ŭ turmach, atrymlivajučy novyja terminy prama ŭ turmie.

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony

Usie naviny →
Usie naviny

U Krymie ŭpieršyniu źniščany dva rasijskija samaloty-amfibii Bie-12 — HUR

Ministr abarony Izraila: Paleścinskaj dziaržavy nikoli nie budzie10

«Nie možam trapić u Biełaruś». Utvaryłasia čarha na łatvijskaj miažy, aŭtobusy stajać ź viečara4

Na vajnie zahinuŭ polski palicejski, jaki vajavaŭ na baku Rasii5

«Ty sieła ŭ turmu i nie padumała pra mianie». Łarysa Ščyrakova pra pačućcio viny pierad synam4

Kiraŭnik BRSM staŭ hałoŭnym ideołaham Minska4

Budaŭnictva mietro ŭ Šabany paličyli niemetazhodnym?

Stali viadomyja novyja detali ŭ maštabnaj spravie arhanizataraŭ kancertaŭ5

Pašyreńnie mietro, znos staroj zabudovy. Padviali vyniki abmierkavańnia novaj redakcyi hienpłana Minska1

bolš čytanych navin
bolš łajkanych navin

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony

Hałoŭnaje
Usie naviny →

Zaŭvaha:

 

 

 

 

Zakryć Paviedamić