Na palitviaźnia Jemialjanava zaviali novuju spravu za złosnaje niepadparadkavańnie administracyi turmy
Naprykancy listapada Mahiloŭski mižrajonny adździeł SK raspačaŭ suprać palitviaźnia Mikity Jemialjanava kryminalnuju spravu pa č. 2 art. 411 Kryminalnaha kodeksa za złosnaje niepadparadkavańnie administracyi turmy. Ciapier jamu pahražaje da dvuch hadoŭ źniavoleńnia, piša «Viasna».
Viadoma, što supracoŭniki turmy skłali na palitviaźnia bolš za 60 rapartaŭ za parušeńni režymu ŭtrymańnia. Ale sam Mikita raniej tłumačyŭ, što režym parušaŭ na znak pratestu pastajannaha parušeńnia jaho pravoŭ administracyjaj turmy i admoviŭsia ad dačy pakazańniaŭ u jakaści padazravanaha.
Taksama viadoma, što 17 śniežnia Mikitu Jemialjanava nie vypuścili sa štrafnoha izalatara: u hety dzień skančalisia 30 sutak jaho utrymańnia tam za nakładzienyja trojčy zapar spahnańni. Chłopca pakarali jašče tryma sutkami ŠIZA za mižkamiernuju suviaź.
Mikita Jemialjanaŭ — aktyvist anarchisckaha ruchu, asudžany ŭ lutym 2020 hoda da 7 hadoŭ kałonii ŭzmocnienaha režymu za toje, što kidaŭ lampačku z farbaj u budynak suda i «kaktejl Mołatava» — u dźviery «Vaładarki». Paśla pa apielacyjnaj skarzie źmienšyŭ termin Jemialjanavu byŭ źmienšany da 4 hadoŭ kałonii ŭzmocnienaha režymu.
Kamientary