Padčas ataki Rasii nad zachadam Ukrainy lotali kitajskija spadarožniki, jakija ličać raźviedvalnymi
Razam z tym nieviadoma, ci pravodzili hetyja spadarožniki faktyčnuju raźviedku padčas pralotaŭ nad Ukrainaj.
U noč na 5 kastryčnika Rasija zapuściła pa Ukrainie bolš za 50 rakiet i kala 500 udarnych dronaŭ. Padčas hetaha nad zachodniaj častkaj Ukrainy pralacieła minimum try kitajskija raźviedvalnyja SAR-spadarožniki, paviedamlaje partał «Militarnij» (na asnovie analizu źviestak manitorynhavaha servisu Heavens Above, jaki adsočvaje pieramiaščeńnie spadarožnikaŭ).
Nad Lvovam byŭ zafiksavany pralot spadarožnikaŭ sieryi Yaogan 33 (Yaogan 33, Yaogan 33‑03 i Yaogan 33-04), jakija pralacieli ŭsiaho 9 razoŭ nad rehijonam z 00:00 da prykładna 11:30 ranicy.
Paźniej, prykładna ŭ 6 ranicy, u rehijon uvajšoŭ aptyčny raźviedvalny spadarožnik Yaogan 34. Jon ździejśniŭ 7 vitkoŭ nad rehijonam na praciahu 5 kastryčnika.
Spadarožniki hetaj sieryi raźmiaščajucca na nizkich arbitach na vyšyni kala 700 kiłamietraŭ. Heta dazvalaje im rabić poŭny abarot vakoł płaniety prykładna kožnyja 90 chvilin.
Dakładnaj infarmacyi pra mahčymaści spadarožnikaŭ Yaogan 33 niašmat. Pavodle aficyjnaj kitajskaj pazicyi, spadarožniki hetaha typu vykarystoŭvajucca dla navukovych ekśpierymientaŭ, daśledavańniaŭ ziamielnych resursaŭ, a taksama praduchileńnia stychijnych biedstvaŭ. Adnak ličycca, što nasamreč heta vajennyja raźviedvalnyja spadarožniki, jakija abstalavany radaram ź sintezavanaj apierturaj (SAR), padobna spadarožnikam ICEYE.
Spadarožniki Yaogan 33 byli zapuščany ŭ 2022—2023 hadach i pryjšli na zamienu raźviedvalnym spadarožnikam SAR pieršaha pakaleńnia Yaogan-1, jakija zapuskalisia pačynajučy z 2006 hoda.
Razam z tym nieviadoma, ci pravodzili hetyja spadarožniki faktyčnuju raźviedku padčas pralotaŭ nad Ukrainaj.
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary