Rasija ličyć, što spravy na froncie padčas vajny va Ukrainie ŭ jaje iduć lepš, čym na samoj spravie, i heta ŭ apošnija miesiacy pieraškadžała dasiahnieńniu pahadnieńnia ab spynieńni vajny. Pra heta ŭ intervju vydańniu Newsmax zajaviŭ vice-prezident ZŠA Džej Dzi Vens.
Jon padkreśliŭ, što na hety momant ni Rasija, ni Ukraina nie hatovyja da miru, ale ŭ ZŠA spadziajucca, što heta ŭsio ž źmienicca.
«Ja dumaju, što isnuje fundamientalnaje razychodžańnie ŭ čakańniach: rasijanie schilnyja ličyć, što na poli boju spravy ŭ ich iduć lepš, čym na samoj spravie», — skazaŭ Vens. Heta, jak ličyć vice-prezident ZŠA, «uskładniła» dasiahnieńnie pahadnieńnia ŭ apošnija niekalki miesiacaŭ, niahledziačy na peŭny prahres.
Vens dadaŭ, što, niahledziačy na enierhičnyja namahańni prezidenta ZŠA Donalda Trampa, ciapier «rasijanie i ŭkraincy prosta nie znachodziacca ŭ toj kropcy, dzie jany mahli b zaklučyć ździełku».
Vice-prezident pryznaŭ, što praces mirnaha ŭrehulavańnia staŭ vyprabavańniem dla kamandy prezidenta ZŠA, i Tramp časam «stračvaje ciarpieńnie» da abodvuch bakoŭ, što vajujuć. Tym nie mienš, pa słovach Vensa, urešcie namahańni Trampa ŭsio ž skončacca pośpiecham.
«Pytańnie tolki ŭ tym, kolki času heta zojmie», — dadaŭ Vens.
-
U Branskaj vobłaści ad udara drona zahinuŭ padarožnik, jaki ŭ kamuflažy išoŭ piecham u Braziliju
-
Zialenski: Rasija ŭdaryła pa domie ŭ Kijevie zusim novaj rakietaj X-101. Značyć, kampanienty zavoziacca
-
Kolkaść zahinułych u Kijevie ŭzrasła da piaci čałaviek. Ratavalniki dastali z-pad zavałaŭ cieła 12‑hadovaj dziaŭčynki
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary