U Višniovym pad Kijevam padčas rasijskaj ataki vybuchnuŭ skład bojeprypasaŭ. Zialenski paabiacaŭ pakarać vinavatych
Prezident Ukrainy Uładzimir Zialenski zajaviŭ, što pa fakcie vybuchu na składzie bojeprypasaŭ adnaho z pradpryjemstvaŭ AT «Ukrabaronpram» u horadzie Višniovaje pad Kijevam zaviali kryminalnuju spravu, a vinavatyja buduć pryciahnutyja da adkaznaści, piša «RBK-Ukraina».
«Absalutna žachlivaja situacyja. U Višniovym byŭ skład bojeprypasaŭ. Vorah paraziŭ hety skład. Paciarpieła vialikaja kolkaść ludziej, jość vialikija straty. Maje spačuvańni, ale spačuvańniaŭ niedastatkova», — skazaŭ Zialenski žurnalistam 9 lipienia.
«Vinavatyja buduć pryciahnutyja da adkaznaści i, biezumoŭna, buduć zvolnienyja», — padkreśliŭ jon.
Raniej paviedamlałasia, što ŭ vyniku rasijskaj ataki ŭ noč na 6 lipienia ŭ Višniovym zahinuli siem čałaviek, a paciarpieli 29, uklučajučy čatyroch vyratavalnikaŭ. Amal 500 žycharoŭ byli evakujavanyja praz pahrozu paŭtornaj detanacyi.
Premjer-ministarka Ukrainy Julija Svirydzienka adrazu paśla trahiedyi zajaviła, što ŭ Višniovym byli samyja maštabnyja razbureńni žyłoj zabudovy za ŭvieś čas poŭnamaštabnaha rasijskaha ŭvarvańnia. Pavodle słoŭ ukrainskaj premjerki, u vyniku rasijskaj ataki i nastupnaj paŭtornaj detanacyi było paškodžana kala 13 hiektaraŭ žyłoj zabudovy.
U horadzie Višniovym pad Kijevam zafiksavali najbujniejšyja razbureńni žyłoha siektara za čas vajny
Kab pieraškodzić ukrainskim dronam, Rasija sprabuje hłušyć Starlink
Załužny: Nie varta ličyć, što Rasija ŭžo prajhrała vajnu
Zialenski ŭ Ankary: Vy sapraŭdy ličycie pravilnym, kab kraina z takim dośviedam zastavałasia pa-za NATA?
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary