Kiraŭnik MZS Litvy: Palityka ŭ dačynieńni da Biełarusi mianiacca nie budzie, źmieny tolki ŭ farmuloŭkach
Ministr zamiežnych spraŭ Litvy Kiastucis Budrys zajaviŭ, što, niahledziačy na źmieny ŭ farmuloŭkach novaj uradavaj prahramy, palityka Vilni ŭ dačynieńni da Biełarusi zastajecca niaźmiennaj, piša LRT.
Pa słovach Kiastucisa Budrysa, pakul Minsk praciahvaje padtrymlivać palityku, jakaja, na dumku litoŭskaha boku, stvaraje pahrozy biaśpiecy Litvy, jahonaja kraina budzie vystupać za zachavańnie žorstkaha kursu i padaŭžeńnie sankcyj.
«Intares Litvy ŭ adnosinach ź Biełaruśsiu palahaje ŭ harantavańni biaśpieki. Biełaruś źjaŭlajecca krynicaj hibrydnych pahroz i roznych dziejańniaŭ, nakiravanych suprać Litvy. Pakul Biełaruś praciahvaje takuju palityku, Litva budzie prytrymlivacca žorstkaha kursu, my budziem dabivacca ŭviadzieńnia dadatkovych sankcyj […] Takaja naša pazicyja, i ja nie baču tut nijakich źmien», — zajaviŭ palityk 9 lipienia ŭ efiry Žinių radijas.
Pierad tym uvahu litoŭskaj apazicyi pryciahnuła toje, što ŭ novaj prahramie ŭrada nie zhadvajecca nieabchodnaść zachavańnia mižnarodnaj izalacyi Biełarusi. Zamiest hetaha havorycca tolki pra praciah izalacyi Rasii. Adnak u inšym raździele dakumienta adznačajecca, što kali Biełaruś i dalej budzie padtrymlivać rasijskuju ahresiju suprać Ukrainy abo ažyćciaŭlać hibrydnyja ataki suprać Jeŭrasajuza ci Ukrainy, Litva budzie ŭzmacniać cisk i izalacyju.
Taksama ŭ novaj prahramie źmianiłasia rytoryka adnosna Biełaruskaj atamnaj elektrastancyi. Ciapier urad abiacaje ŭzdymać pytańni biaśpieki BiełAES na mižnarodnych placoŭkach, damahacca vykanańnia Biełaruśsiu mižnarodnych abaviazacielstvaŭ i najvyšejšych standartaŭ jadziernaj i ekałahičnaj biaśpieki.
Budrys padkreśliŭ, što ŭradavaja prahrama nie źjaŭlajecca dakumientam pa acency pahroz abo stratehijaj nacyjanalnaj biaśpieki, a tolki vyznačaje asnoŭnyja palityčnyja namiery ŭrada.
Jon taksama zapeŭniŭ, što Litva i nadalej budzie padtrymlivać sankcyi suprać Biełarusi, pakul aficyjny Minsk nie źmienić svaju palityku. Akramia taho, ministr adznačyŭ, što rašeńni ab sankcyjach buduć prymacca zychodziačy ź intaresaŭ nacyjanalnaj biaśpieki Litvy.
«Kali buduć takija ŭmovy — budziem prytrymlivacca takoj pazicyi, kali ŭmovy źmieniacca — budziem dziejničać inakš. Ale kožny raz, kali pastupić prapanova Ministerstva zamiežnych spraŭ ab nieabchodnych krokach, budzie paznačana pryčyna: Litvie nieabchodna toje, toje i toje, tamu my prapanujem prytrymlivacca mienavita takoj pazicyi. A nie tamu, što heta patrebna kamuści inšamu ci tamu, što chtości prosta ŭparta choča, kab sankcyi praciahvalisia», — skazaŭ Kiastucis Budrys.
Ministr zamiežnych spraŭ Litvy sustreŭsia z pradstaŭnikami biełarusaŭ i zapeŭniŭ ich u niaźmiennaści palityki
Ministr transpartu Litvy: Cisku z boku ZŠA adnosna tranzitu biełaruskaha kaliju niama
MZS Litvy paćvierdziła, što kraina abmiarkoŭvaje z ZŠA pytańnie biełaruskich kalijnych uhnajeńniaŭ
ZŠA nieaficyjna paprasili try krainy źniać sankcyi ź biełaruskaha kaliju
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
nu tak ža? nu