Расія лічыць, што справы на фронце падчас вайны ва Украіне ў яе ідуць лепш, чым на самой справе, і гэта ў апошнія месяцы перашкаджала дасягненню пагаднення аб спыненні вайны. Пра гэта ў інтэрв’ю выданню Newsmax заявіў віцэ-прэзідэнт ЗША Джэй Дзі Вэнс.
Ён падкрэсліў, што на гэты момант ні Расія, ні Украіна не гатовыя да міру, але ў ЗША спадзяюцца, што гэта ўсё ж зменіцца.
«Я думаю, што існуе фундаментальнае разыходжанне ў чаканнях: расіяне схільныя лічыць, што на полі бою справы ў іх ідуць лепш, чым на самой справе», — сказаў Вэнс. Гэта, як лічыць віцэ-прэзідэнт ЗША, «ускладніла» дасягненне пагаднення ў апошнія некалькі месяцаў, нягледзячы на пэўны прагрэс.
Вэнс дадаў, што, нягледзячы на энергічныя намаганні прэзідэнта ЗША Дональда Трампа, цяпер «расіяне і ўкраінцы проста не знаходзяцца ў той кропцы, дзе яны маглі б заключыць здзелку».
Віцэ-прэзідэнт прызнаў, што працэс мірнага ўрэгулявання стаў выпрабаваннем для каманды прэзідэнта ЗША, і Трамп часам «страчвае цярпенне» да абодвух бакоў, што ваююць. Тым не менш, па словах Вэнса, урэшце намаганні Трампа ўсё ж скончацца поспехам.
«Пытанне толькі ў тым, колькі часу гэта зойме», — дадаў Вэнс.
-
У Бранскай вобласці ад удара дрона загінуў падарожнік, які ў камуфляжы ішоў пехам у Бразілію
-
Зяленскі: Расія ўдарыла па доме ў Кіеве зусім новай ракетай X-101. Значыць, кампаненты завозяцца
-
Колькасць загінулых у Кіеве ўзрасла да пяці чалавек. Ратавальнікі дасталі з-пад завалаў цела 12‑гадовай дзяўчынкі
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары