Sarataŭski naftapierapracoŭčy zavod prypyniŭ pracu paśla ataki ŭkrainskich bieśpiłotnikaŭ, ździejśnienaj 8 lipienia. Pra heta paviedamlaje Reuters sa spasyłkaj na dźvie krynicy, znajomyja ź situacyjaj.
Pavodle infarmacyi krynic ahienctva, drony paškodzili hałoŭnuju ŭstanoŭku pieršasnaj pierapracoŭki nafty, jakaja źjaŭlajecca adzinaj takoj na pradpryjemstvie. Paśla hetaha zavod spyniŭ pierapracoŭku syraviny.
Kampanija «Rasnafta», jakoj naležyć zavod, pakul nie kamientavała hetyja paviedamleńni.
Hubiernatar Sarataŭskaj vobłaści Raman Busarhin raniej zajaviŭ, što ŭ vyniku ataki zahinuŭ adzin čałaviek, jašče niekalki atrymali ranieńni. Pavodle jaho słoŭ, byli paškodžany pramysłovyja abjekty.
Ukrainskija ŭzbrojenyja siły paviedamili, što cellu dla udaru byŭ mienavita Sarataŭski NPZ.
Pavodle biržavych danych, ź sierady paliva z hetaha zavoda bolš nie prapanujecca na tarhach. Heta ŭžo nie pieršaje prypynieńnie jaho pracy paśla atak bieśpiłotnikaŭ — padobnyja vypadki adbyvalisia taksama ŭ sakaviku i mai.
Z pačatku hoda ŭdarami byli zakranuty niekalki rasijskich naftapierapracoŭčych zavodaŭ. Raniej taksama paviedamlałasia pra paškodžańnie najbujniejšaha ŭ Rasii Omskaha NPZ, a ŭ noč na 9 lipienia paśla atak bieśpiłotnikaŭ uźnikli pažary na naftabazach u Ćviarskoj vobłaści i Staŭrapolskim krai. Akramia taho, paviedamlałasia pra ataku na naftapierapracoŭčy zavod u Kiryšach Leninhradskaj vobłaści.
Va USU zajavili pra źniščeńnie 19 tankieraŭ u Azoŭskim mory. Jany mahli vazić bienzin u Krym
Rasija čatyry hady biła pa ŭkrainskich CEC i NPZ, a ciapier nazyvaje ŭkrainskija ŭdary pa ich «teraryzmam»
Biełaruś naraściła pastaŭki bienzinu ŭ Rasiju da histaryčnaha maksimumu. Heta moža pastavić biełaruskija NPZ pad udar Ukrainy
Daŭžeznyja čerhi na AZS vyciahnulisia ŭ Omskaj vobłaści paśla siońniašniaha ŭdaru pa NPZ VIDEA
Čarhovaja ataka BPŁA na Rasiju — harać dźvie naftabazy, u Tahanrohskim zalivie paškodžany tankiery
Kamientary