Francyja pieramahła Maroka i vyjšła ŭ paŭfinał čempijanatu śvietu. Mbape znoŭ nie rasčaravaŭ
Zbornaja Francyi vyjšła ŭ paŭfinał čempijanatu śvietu pa futbole 2026 hoda, pieramohšy ŭ čverćfinale kamandu Maroka ź likam 2:0. Matč adbyŭsia na stadyjonie «Džylet» u amierykanskim horadzie Foksbara.
U pieršym tajmie francuzy mieli mahčymaść vyjści napierad, ale na 28‑j chvilinie Kilijan Mbape nie zdoleŭ realizavać pienalci. Niahledziačy na heta, paśla pierapynku kapitan francuzskaj zbornaj usio ž adkryŭ lik, zabiŭšy hoł na 60‑j chvilinie.
Praz šeść chvilin Francyja zamacavała svaju pieravahu. Paśla dakładnaj pieradačy Mbape Usman Dembiele adpraviŭ miač u varoty i ŭstanaviŭ, jak akazałasia, kančatkovy lik — 2:0.
Takim čynam, Kilijan Mbape, niahledziačy na niezabity pienalci, staŭ hałoŭnym hierojem sustrečy, adznačyŭšysia adnym zabitym miačom i adnoj halavoj pieradačaj. Ciapier u jaho stała 20 hałoŭ u finalnych častkach čempijanataŭ śvietu, i sastupaje jon pa hetym pakazčyku ŭsiaho na adzin miač tolki vialikamu Lijanelu Miesi, jaki taksama cudoŭna vystupaje na sioletnim mundyjali i maje ŭsie šancy palepšyć svoj halavy rachunak. A ŭ spabornictvie bambardziraŭ na hetym čempijanacie Mbape Miesi akurat dahnaŭ — u abodvuch supierzorak ciapier pa 8 hałoŭ.
U paŭfinale zbornaja Francyi sustreniecca ź pieramožcam matča pamiž Ispanijaj i Bielhijaj.
Finalnaja častka mundyjalu prachodzić u ZŠA, Kanadzie i Mieksicy, a vyrašalny matč turniru adbudziecca 19 lipienia ŭ amierykanskim Ist-Raterfardzie.
Bol fanataŭ kamandy Parahvaja nie ścichaje — jany spalili pudziła Mbape
«Hety dzikun čuŭ tolki pra šympanze». Parahvajskaja sienatarka spravakavała rasiscki skandał z Mbape
Francyja minimalna pieramahła Parahvaj i vyjšła ŭ čverćfinał
Futbołka hetaha hulca stała samym pradavanym tavaram na čempijanacie śvietu
Ciapier čytajuć
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy1
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary