Stała viadoma, pa jakich praviłach buduć masava pracaŭładkoŭvać uźbiekaŭ u Biełarusi
Biełaruś i Uźbiekistan padpisali mižuradavaje pahadnieńnie ab arhanizavanym nabory i pracaŭładkavańni hramadzian Uźbiekistana dla časovaj pracy ŭ Biełarusi. Dakumient padpisali ministr pracy i sacyjalnaj abarony Biełarusi Andrej Łabovič i ministr zamiežnych spraŭ Uźbiekistana Bachcijor Saidaŭ, paviedamiła pres-słužba Minpracy.
Pahadnieńnie praduhledžvaje stvareńnie aficyjnaha miechanizmu, jaki budzie rehulavać pryciahnieńnie rabotnikaŭ z Uźbiekistana i dapamahać biełaruskim najmalnikam zakryvać deficyt kadraŭ.
Pavodle novaha paradku, uźbiekski bok budzie zajmacca padboram kandydataŭ u adpaviednaści z patrabavańniami biełaruskich pracadaŭcaŭ. Pry adbory buduć uličvacca prafiesijnaja kvalifikacyja, dośvied pracy, stan zdaroŭja i inšyja nieabchodnyja ŭmovy. Paśla ŭzhadnieńnia kandydatur baki buduć zahadzia ŭzhadniać prajekty pracoŭnych damoŭ jašče da pryjezdu rabotnikaŭ u Biełaruś.
Taksama Ahienctva mihracyi pry Kabiniecie ministraŭ Uźbiekistana biarecca arhanizavać pieradvyjaznuju padrychtoŭku. Budučych rabotnikaŭ aznajomiać z umovami pracy i pražyvańnia, biełaruskim zakanadaŭstvam, praviłami znachodžańnia ŭ krainie, a taksama ź jaje kulturaj i tradycyjami.
U vypadku, kali hramadzianin Uźbiekistana parušyć zakanadaŭstva Biełarusi abo nie budzie adpaviadać kvalifikacyjnym patrabavańniam najmalnika, jaho viartańnie na radzimu budzie arhanizavana za košt uźbiekskaha boku.
Biełaruskija najmalniki, u svaju čarhu, buduć zaklučać damovy z upaŭnavažanaj arhanizacyjaj, uzhadniać kandydatury rabotnikaŭ, afarmlać nieabchodnyja dazvoły i padpisvać ź imi pracoŭnyja damovy.
U biełaruskim Ministerstvie pracy adznačajuć, što novy miechanizm pavinien zrabić pryciahnieńnie zamiežnych rabotnikaŭ bolš prazrystym, arhanizavanym i zručnym jak dla pracadaŭcaŭ, tak i dla samich pracoŭnych mihrantaŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
šta?
dyk heta ž kštałtu kantrakta (rabskaj sistemy) ci navat horš
usio ŭ intaresach tolki rabaŭładalnika