Zialenski nie vyklučyŭ «drenny scenaryj» samitu ŭ Budapiešcie: jak adreahuje Ukraina?
Ukraina nie vyklučaje taho, što sustreča Donalda Trampa i Uładzimira Pucina ŭ Budapiešcie skončycca «drennym scenaryjem» dla Kijeva. Pra heta padčas sustrečy z žurnalistami 19 kastryčnika zajaviŭ ukrainski prezident Uładzimir Zialenski, piša RBK-Ukraina.
Zialenski, u pryvatnaści, znoŭ padkreśliŭ, što budzie hatovy ŭziać udzieł u samicie, kali jaho zaprosiać.
«Kali heta budzie zaprašeńnie ŭ farmacie, kali my sustrakajemsia ŭtroch. Abo «čaŭnočnaja dypłamatyja»: prezident Tramp sustrakajecca z Pucinym i prezident Tramp sustrakajecca sa mnoj. To ŭ tym albo inšym farmacie, my pahodzimsia», — skazaŭ jon.
Pry hetym Zialenski nie vyklučaje, što sustreča ŭ Budapiešcie moža pajści pa «drennym scenaryi». Naprykład, što Tramp i Pucin pasprabujuć damovicca za śpinaju i vystavić nieprymalnyja ŭmovy dla Ukrainy.
«Navat kali zdajecca, što vy ŭ tupiku, — jon jašče nie taki hłuchi. Druhaja historyja — nikoli nie treba rabić ničoha drennaha dla svajho doma. I heta pryjarytet. Kali kanfihuracyja, dzie Amieryka pasiaredzinie, — heta adna historyja. A kali kanfihuracyja takaja, što cisk tolki na Ukrainu, — nichto nie vyjdzie pieramožcam. My nie damo pieramohu «ruskim», — zapeŭniŭ Zialenski.
Jon taksama dadaŭ, što jeŭrapiejskija lidary padtrymlivajuć jahonuju pazicyju.
«My sustreniemsia na hetym tydni. Mahčyma, da nas niechta pryjedzie. Mahčyma, my sustreniemsia ŭ inšym miescy z kimści z vysokich čynoŭnikaŭ, blizkich da Trampa», — skazaŭ ukrainski prezident.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii10
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary