«Niedachop kiroŭcaŭ žachlivy. Vyjazdžajuć, bo ŭ Biełarusi vielmi nizki ŭzrovień žyćcia». Na STB prarvaŭsia kryk dušy
Staršynia Asacyjacyi prafiesijnych pieravozčykaŭ pasažyraŭ ahučyła pryčynu trahiedyj na darohach. Prapahandystam heta nie spadabałasia.
U tok-šou na STB abmiarkoŭvali apošnija hučnyja DTZ z udziełam maršrutak.
«Usio, što my ciapier havorym — pra DTZ, jakoje adbyłosia pad Smalavičami, u Śvietłahorsku, pryšpileny ci nie pryšpileny pasažyry, pieravozka pasažyraŭ zvyš normy, — heta ŭsio nastupstvy. (…)
Na nas, pieravozčykaŭ, možna kolki zaŭhodna ŭskładać adkaznaść, adnak kali ŭ nas nie adnovicca pracoŭny resurs kiroŭcaŭ, niedachop jakich ciapier prosta žachlivy, kali my nie prydumajem na ŭzroŭni dziaržavy, zakanadaŭcaŭ, kiraŭnika dziaržavy, Administracyi prezidenta, kali ŭ nas nie budzie hetych mier, to nas chutka chto budzie vazić? Prahramisty?» —
vykazałasia pra nabalełaje staršynia Asacyjacyi prafiesijnych pieravozčykaŭ pasažyraŭ «APPP» Kaciaryna Stankievič.
«Čamu adnym niejkija lhoty pradastaŭlajucca, a tym, chto źjaŭlajecca samym važnym, adkaznym źvianom pry pieravozcy pasažyraŭ, u nas hetaha ničoha niama.
Niedachop kiroŭcaŭ strašniejšy. Kvalifikacyja padaje ŭsiudy — heta i pasažyrskija pieravozki, heta i hruzavyja pieravozki», —
praciahnuła Stankievič i pasprabavała nazvać dźvie pryčyny:
«Vyjazdžajuć pa doŭhi rubiel. U Biełarusi ŭ nas vielmi nizki ŭzrovień žyćcia. Nu i zarobak adpaviedna».
Adnak praciahnuć joj nie dali viadučyja, jakija zapratestavali. Kirył Kazakoŭ zaŭvažyŭ, što bačyŭ abviestku, u jakoj było paznačana, što zarobak kiroŭcy — 4000 rubloŭ.
«Kali vy mnie skažacie, što 4000 rubloŭ u Minsku — heta maleńki zarobak, nie», — vykazaŭ svoj pohlad Kazakoŭ.
«Dla paraŭnańnia — Jeŭropa. Ad dźviuch z pałovaj tysiač jeŭra», — pasprabavała davieści Stankievič. Adnak Kazakoŭ jaje spyniŭ i staŭ raskazvać pra toje, jak dobra pracuje hramadski transpart u stalicy.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary