DAI prapanuje ŭvieści aŭtobusy z bolšaj umiaščalnaściu zamiest nievialikich maršrutak u Biełarusi
«Naprykład, maršrutka, jakaja budzie iści ŭ niejki tam daloki rajon, užo budzie nie na 17 miescaŭ, a, naprykład, da 25, što pavyšaje jaje biaśpieku», — pryvioŭ prykład kiraŭnik DAI.
Načalnik DAI Viktar Rotčankaŭ u efiry STB prapanavaŭ uvieści aŭtobusy z bolšaj umiaščalnaściu zamiest nievialikich maršrutak u Biełarusi. Takoj budzie adna z prapanoŭ dla razhladu Kamisijaj pa biaśpiecy darožnaha ruchu pry Saviecie Ministraŭ.
«Heta pytańnie, moža być, skaračeńnia ruchomaha składu, jaki źmiaščaje mała pasažyraŭ. I ŭviadzieńnie transpartu, jaki zapatrabuje mienšuju kolkaść jaho, mienš vadzicielaŭ, ale bolšuju umiaščalnaść. Naprykład, maršrutka, jakaja budzie iści ŭ niejki tam daloki rajon Respubliki Biełaruś, užo budzie nie na 17 miescaŭ, a, naprykład, ad 25», — pryvioŭ prykład kiraŭnik DAI Biełarusi.
Viktar Rotčankaŭ adznačyŭ, što maršrutak pry hetym stanie mienš, a chadzić jany mohuć radziej.
«Ale biaśpieka takich aŭtobusaŭ, kali jany bolš bujnahabarytnyja, naturalna, pavyšajecca», — skazaŭ jon.
Nahadajem, što 10 kastryčnika ŭ Śvietłahorskim rajonie ŭ vyniku sutyknieńnia maršrutki «Minsk — Mazyr» z krasovieram zahinuli šeść pasažyraŭ maršrutki, u lutym 2023 hoda ŭ DTZ u Smalavickim rajonie zahinuli 13 pasažyraŭ maršrutki.
Kamientary
2. Vozmožnosť riealizacii mienty dažie nie prorabatyvali, otkuda dieńhi na eto najdutsia.
3. Pod takoj markoj možno otmieniť lehkovyje avto, u kotorych vmiestimosť jeŝio mieńšie.
Vyvod: očieriednaja tupaja idieja ot kołchoznych hienijev