Eminie Erdahan nastajała na tym, kab kancler Hiermanii Mierc prylacieŭ u Ankaru razam z žonkaj
Niečakanaj detallu vizitu Frydrycha Mierca ŭ Turcyju stała prysutnaść jaho žonki Šarłoty — dla pracoŭnych pajezdak takoha ŭzroŭniu heta redkaść.
Jak stała viadoma Bild ad krynic va ŭradzie Hiermanii, ideju zaprasić žonku niamieckaha lidara prapanavała asabista pieršaja łedzi Turcyi Eminie Erdahan.
Pavodle infarmacyi krynic va ŭradzie, prapanova ŭźnikła jašče letam-na samicie NATO ŭ Haazie, dzie Eminie Erdahan siadzieła pobač ź Miercam za bankietnym stałom. Tady Šarłota Mierc nie zmahła pajechać u Turcyju z-za napružanaj mižnarodnaj abstanoŭki. Erdahan, pavodle infarmacyi Bild, vykazała škadavańnie i skazała, što chacieła b ubačyć Šarłotu «padčas nastupnaha vizitu ŭ Ankaru».
Mierc abmierkavaŭ prapanovu z prezidentam Turcyi, i Redžep Taip Erdahan jaho ŭchvaliŭ. Para prybyła ŭ Ankaru napiaredadni aficyjnych sustreč i navat paśpieła pravieści viečar razam.
Jon prajšoŭ bieź śpirtnoha, pakolki Mierc z momantu ŭstupleńnia na pasadu praktyčna całkam admoviŭsia ad ałkaholu.
Pieršy sumiesny vychad muža i žonki adbyŭsia ŭ maŭzalei Ataciurka, dzie kancler uskłaŭ vianok ad imia Hiermanii, a Šarłota Mierc nazirała za cyrymonijaj. Zaŭtra viečaram Eminie Erdahan paznajomicca z žonkaj Mierca asabista na ŭračystaj viačery ŭ prezidenckim pałacy.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła23
Kamientary