Эміне Эрдаган настаяла на тым, каб канцлер Германіі Мерц прыляцеў у Анкару разам з жонкай
Нечаканай дэталлю візіту Фрыдрыха Мерца ў Турцыю стала прысутнасць яго жонкі Шарлоты — для працоўных паездак такога ўзроўню гэта рэдкасць.
Як стала вядома Bild ад крыніц ва ўрадзе Германіі, ідэю запрасіць жонку нямецкага лідара прапанавала асабіста першая лэдзі Турцыі Эміне Эрдаган.
Паводле інфармацыі крыніц ва ўрадзе, прапанова ўзнікла яшчэ летам-на саміце NATO ў Гаазе, дзе Эміне Эрдаган сядзела побач з Мерцам за банкетным сталом. Тады Шарлота Мерц не змагла паехаць у Турцыю з-за напружанай міжнароднай абстаноўкі. Эрдаган, паводле інфармацыі Bild, выказала шкадаванне і сказала, што хацела б убачыць Шарлоту «падчас наступнага візіту ў Анкару».
Мерц абмеркаваў прапанову з прэзідэнтам Турцыі, і Рэджэп Таіп Эрдаган яго ўхваліў. Пара прыбыла ў Анкару напярэдадні афіцыйных сустрэч і нават паспела правесці вечар разам.
Ён прайшоў без спіртнога, паколькі Мерц з моманту ўступлення на пасаду практычна цалкам адмовіўся ад алкаголю.
Першы сумесны выхад мужа і жонкі адбыўся ў маўзалеі Атацюрка, дзе канцлер усклаў вянок ад імя Германіі, а Шарлота Мерц назірала за цырымоніяй. Заўтра вечарам Эміне Эрдаган пазнаёміцца з жонкай Мерца асабіста на ўрачыстай вячэры ў прэзідэнцкім палацы.
Цяпер чытаюць
Былы міністр культуры Руслан Чарнецкі знайшоў сабе падпрацоўку6
Каментары