Łukašenka: Usie chočuć kupić adzieńnie ad «Hučy» i «Viersače». Ale navošta tracicie hrošy na takuju drabiazu
Alaksandr Łukašenka na cyrymonii adkryćcia abnoŭlenaha mosta ŭ Mazyry praz raku Prypiać padzialiŭsia bačańniem, čamu važna vybirać pradukcyju ajčynnych vytvorcaŭ i brendaŭ, piša BiełTA.
«Usie ad «Hučy» i «Viersače» chočuć kupić adzieńnie, usie apranutyja. Ja tolki časam dziŭlusia, navošta vy tracicie na drabiazu takija hrošy. Svajo kuplajcie — narmalna budziecie nasić. Prapanujcie, što treba pašyć i hetak dalej, — skazaŭ jon. — My voś padšturchnuli lehpram naš, jaki šyŭ, zamianili tam kiraŭnictva. Ciapier i za ich vaźmusia. U nas ža ŭsio jość. Skuranoje zrabić palito abo kurtku — chapaje ŭ nas hetych skuraŭ. U Hatavie pad Minskam bujnoje pradpryjemstva. U nas usio jość. Abutak možam pašyć».
Łukašenka dadaŭ, što biełaruskaja pradukcyja, naprykład, šyroka zapatrabavanaja na roznych kirmašach u Rasii: «Da viečara ničoha niama. I ludzi stajać: «A čamu biełarusy pryvieźli mała?». Ciapier užo na tydzień (biaruć zapas dla handlu). Iduć fury tudy, viaziom, kab zabiaśpiečyć ludziej. Ludzi z zadavalnieńniem kuplajuć».
Jon adznačyŭ, što ŭ toj čas, jak ludzi imknucca kupić tavary zamiežnych brendaŭ, ajčynnyja pradpryjemstvy, jakija vyrablajuć takuju ž pradukcyju, nie mohuć jaje pradać. «Možna było na hetym pradpryjemstvie biełaruskim kupić. Moža być, navat praściej. Svajo treba apranać. Navat kali kryšačku jano nie adpaviadaje vialikim, choć ciapier chłusić pačali — daj boh (idzie havorka pra roznyja padrobki abo źnižeńnie jakaści aryhinalnaj pradukcyi), nu ty kupi svajo. Heta značyć, kupiŭšy heta, ty zapłaciŭ svajmu pradpryjemstvu. Heta značyć, jany hrošy atrymajuć», — dadaŭ jon.
Pry hetym sam jon pakazvaŭsia na publicy z remieniem ad francuzskaha luksavaha brendu Hermes, a vice-premjerka Natalla Piatkievič była zaŭvažana ŭ Gucci i Hermes.
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
-
Biełarusy za 10 hadoŭ abjechali ŭsie rajony krainy. A ciapier jany padzialilisia paradami, pamyłkami i skłali šeść maršrutaŭ dla pačatkoŭcaŭ
-
U minskim mietro złamaŭsia ciahnik, stajała cełaja linija
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary