Daśledčyk znajšoŭ šerah nieviadomych archiŭnych materyjałaŭ pa biełaruskaj litaratury ChICh — XX stahodździaŭ. Jon pieršym daskanała daśledavaŭ rukapisy Janki Kupały i znajšoŭ dziasiatak novych tvoraŭ kłasika.
Pamior vybitny biełaruski litaraturaznaŭca i daśledčyk Viačasłaŭ Rahojša.
Prafiesara nie stała siońnia. Jamu było 83 hady.
Viačasłaŭ Rahojša — piśmieńnik, litaraturaŭnaŭca, daśledčyk biełaruska-ŭkrainskich litaraturnych suviaziaŭ, doktar fiłałahičnych navuk.
Jaho ličać baćkam-zasnavalnikam kafiedry teoryi litaratury Biełdziaržuniviersiteta.
Prafiesar naradziŭsia ŭ 1942 hodzie ŭ miastečku Rakaŭ Vałožynskaha rajona Minskaj vobłaści.
U 1963 hodzie skončyŭ adździaleńnie biełaruskaj movy fiłałahičnaha fakulteta Biełaruskaha dziaržaŭnaha ŭniviersiteta, zatym — aśpiranturu pry kafiedry biełaruskaj litaratury hetaha ŭniviersiteta. U 1967 hodzie abaraniŭ kandydackuju dysiertacyju «Paetyka Maksima Tanka: Kultura vobraza. Charaktar vierša». Rahojša vykładaŭ u BDU, a paśla zahadvaŭ kafiedraj teoryi litaratury Biełdziaržuniviersiteta.
Jaho doktarskaja dysiertacyja nazyvałasia «Biełaruskaja paezija XX stahodździa ŭ kantekście ŭschodniesłavianskich litaratur: typałohija, recepcyja, mastacki pierakład».
Daśledčyk znajšoŭ šerah nieviadomych archiŭnych materyjałaŭ pa biełaruskaj litaratury ChICh — XX stahodździaŭ. Jon pieršym daskanała daśledavaŭ rukapisy Janki Kupały i znajšoŭ dziasiatak novych tvoraŭ kłasika.
Taksama pisaŭ encykłapiedyčnyja artykuły, navučalnyja dapamožniki dla ŭniviersitetaŭ i starejšych kłasaŭ škoł.
Rahojša pierakładaju paeziju i prozu sa słavianskich movaŭ (najpierš ukrainskaj) na biełaruskuju. Vydaŭ i ŭłasny zbornik vieršaŭ «Polus ciapła» (2007). Aŭtar zvyš 20 asobnych knih i bolš čym 1000 roznych publikacyj u pieryjodycy i kalektyŭnych zbornikach.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki9
Kamientary