Film «Šalonaje spatkańnie» pasuje siamiejnym param, jakija na 20-hodździe viasiella, vyrašyli schadzić u kinateatr.
«Šalonaje spatkańnie» (Date Night)
ZŠA, 2010, kalarovy, 88 chv.
Režysior: Šon Levi
Roli vykonvajuć: Styŭ Kareł, Cina Fej, Mark Ŭołbierh, Taradžy P.Hensan
Žanr: Kamiedyjna-ramantyčny trymcieńnik
Adznaka: 5 (z 10)
Cichija supruhi Foster, jakija pačynajuć nudzicca adzin z adnym, iduć u modnuju restaracyju. Kab atrymać stolik, hieroi vydajuć siabie za inšych ludziej. I daremna! Ciapier za samazvancami palujuć mafija i palicyja.
Režysior Šon Levi, jaki raniej pastaviŭ «Noč u muziei», — nie chapaje zorak ź nieba. Karcina šarahovaja dyj ścipłaja, jak i sami hieroi. Niemašaka j tłumnych zorak, akramia Marka Ŭołbierha, jaki nachabna demanstruje fizičnyja formy.
Ale ŭ hetym filmie — «kamu za tryccać», adsutničajuć maładziovyja sarcirnyja žarty, brutalnyja scenki i natužlivaje kamikavańnie.
Samaje važnaje — zvyčajnyja čałaviečyja pačućci ŭ niezvyčajnych umovach kryminalnych pryhodaŭ. I voś užo da siamiejnych scenak dvuch niedarekaŭ dałučajucca machlary-šantažysty, taksisty i mafijoźniki, kab padzialicca ŭłasnym bahatym dośviedam. Hieroj-ciuchcia pahražaje pistaletam, matula dvaich dziaciej hojsaje na abcasach, laciać u vadu kradzienyja mašyny. Mafija i pradažnyja palityki — u šoku ad chepi-enda.
Karcina pasuje siamiejnym param, jakija na 20-hodździe viasiella, vyrašyli schadzić u kinateatr.
Kamientary