Jak vyhladaje zavodzik, jaki adkryła ŭ Minsku siabroŭka Viktara Łukašenki?
Ludmiła Niaronskaja buduje ŭžo i druhi rybny zavod — u Viciebskaj vobłaści.
Ludmiła Niaronskaja adkryvaje zavod. Fota tut i dalej: Pavieł Rusak / Tochka.by
U pramysłovaj zonie Kaladzičy adkryli pradpryjemstva pa pierapracoŭcy ryby i morapraduktaŭ. Adkryła jaho kampanija «Marskija siezony». Jaje kiraŭnica Ludmiła Niaronskaja daŭno źviazanaja ź siamjoj Viktara Łukašenki.
Dzieci Niaronskaj i Łukašenki vučylisia razam u prestyžnaj minskaj himnazii № 16. Darečy, tam ža Niaronskaja i Lilija Łukašenka byli razam u papiačycielskim saviecie. U 2019 hodzie Niaronskaja z žonkaj i dziećmi Viktara Łukašenki lotała na pryvatnym biznes-džecie ź Minska ŭ Dubaj. Pa darozie nazad da ich dałučyŭsia i sam Viktar.
Ludmiła Niaronskaja pačała taksama sumiesny biznes z synam Viktara Łukašenki Alaksandram Łukašenkam — małodšym.
Jak piša «Točka», brend zrabiŭ staŭku na dalokaŭschodniuju syravinu. Niaronskaja zapeŭniła, što chutka biełarusy adčujuć roźnicu, pakaštavaŭšy novyja vidy rybnaj pradukcyi.
«U nas niama pasiarednikaŭ. Prosta ad pierapracoŭščyka pakładziom vam na stoł pradukt. Spadziajomsia, što cana pryjemna ździvić», — paabiacała kiraŭnica kampanii.
Płošča zavoda —3 286 m².
Spačatku raźmiaščajecca defrastacyjny cech. Tut rybu razmarožvajuć. Paśla syravina traplaje ŭ razrobčy cech, dzie rybu raźbirajuć, vydalajuć kości, adździalajuć file, farmujuć porcyi. Dalej — učastak zasolvańnia i marynavańnia. A paśla ŭpakoŭka.
Vytvorčaja mahutnaść novaha pradpryjemstva — kala 300 ton hatovaha praduktu ŭ miesiac. Častka pojdzie na ekspart.
Na novaj vytvorčaści budzie pracavać kala 150 supracoŭnikaŭ vytvorčych śpiecyjalnaściej i jašče prykładna 30 inžynieraŭ. Užo siońnia tut prachodziać praktyku studenty profilnych kaledžaŭ.
Minharvykankam adznačaŭ, što prajekt realizujecca ŭ ramkach inviestycyjnaha dahavora, jaki ŭ tym liku ŭklučaje budaŭnictva transpartna-łahistyčnaha kompleksu. Na adkryćci zavoda prysutničaŭ staršynia Minharvykankama Uładzimir Kucharaŭ.
U stalicy pracujuć taksama dźvie kramy z tavarami hetaj kampanii — na praśpiekcie Niezaležnaści, 134 i praśpiekcie Partyzanskim, 8/7. Płanujuć adkryć ułasnyja handlovyja punkty ŭ Minsku i rehijonach, a taksama supracoŭničać z bujnymi rytejlerami.
«Marskija siezony» ŭžo budujuć novy zavod u Viciebskaj vobłaści. Tam buduć pracavać kala 600 čałaviek.
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary
Jeśli chočieš byť bohatym,
Jeśli chočieš byť sčastlivym,
Ostavajsia, malčik, s nami -
Budieš našim korolom,
Budieš našim korolom.