Kolki ŭ Kitai kaštujuć mašyny, na jakija ŭ Biełarusi buduć nalaplać šyldzik Zubr
U Biełarusi anansavali start prodažaŭ aŭto biełaruskaj zborki pad brendam Zubr. Biełaruskaha ŭ ich — tolki nazva, bo pa fakcie ŭsie jany kitajskija Forthing. Pahladzieli, kolki hetyja «Zubry» kaštujuć u Kitai.
Topavaja madel u liniejcy novaha «biełaruskaha brenda» — heta Zubr Relikt. Ceny na jaho pačynajucca z 79 900 rubloŭ, što kala 27 555 dalaraŭ pa biahučym kursie.
U Kitai Zubr Relikt heta Forthing T5 Evo. Ceny na takuju mašynu tam pačynajucca z 17 000 dalaraŭ.
Pry hetym u internecie možna adšukać i bolš tannyja prapanovy, kali mašyny iduć u bolš ścipłych kamplektacyjach. Kaštujuć takija aŭto kala 15 tysiač dalaraŭ.
Madel Zubr Talisman u Biełarusi pradajuć pa cenach ad 71 900 rubloŭ, što kala $24 800.
U Kitai jana zaviecca Forthing T5L, ceny na aŭto ŭ anałahičnaj kamplektacyi składajuć kala 16 tysiač dalaraŭ.
Elektramabil Zubr Zorka ŭ Biełarusi pradajecca pa cenach ad 71 900 rubloŭ (kala 24 800 dalaraŭ). U Kitai hetaja mašyna idzie pad markaj Hedmos (madel 06) i kaštuje kala 17 800 dalaraŭ.
Samaja tannaja madel Zubr Legenda vystaŭlena pa cenach ad 59 900 rubloŭ, što składaje kala 20 600 dalaraŭ. U Kitai Forthing T5L možna nabyć pryblizna za 12,5 tysiačy dalaraŭ.
Atrymlivajecca, što biełarusam kitajskija aŭto, sabranyja ŭ Biełarusi pad ajčynnym brendam, buduć abychodzicca pryblizna ŭ 1,6 razu daražej, čym za ich płaciać kitajskija pakupniki.
Ale heta jašče drobiazi ŭ paraŭnańni z tym, jak adroźnivajucca ceny na «Maskvičy», jakija źbirajuć na byłym zavodzie Renault u Rasii, ad ich aryhinalnych JAC. Pa padlikach rasijskich žurnalistaŭ, «Maskvičy» kaštujuć minimum u dva razy daražej, čym anałahičnyja JAC u Kitai.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary
V častnosti, za vvoz novoho Toyota RAV4 s bazovym motorom 2.0 rośsijaninu s 2026 hoda pridietsia upłatiť dopołnitielnyje 900 tys. rublej utilsbora, a za BMW X5 — dopołnitielnyje 2,6 młn rublej.
Kak hovoritsia hojda.