Na jutub-šou «O(b)suždajem» abmierkavali film «Kłasnaja». «Biełaruśfilm» paskardziŭsia jutubu
Ivan Prus, zorka jutub-šou «O(b)suždajem», paviedamiŭ na svajoj staroncy ŭ instahramie, što ź jutub-kanała prajekta źnik vypusk, u jakim abmiarkoŭvaŭsia apošni šedeŭr «Biełaruśfilma» — film «Kłasnaja». I zroblena heta nie pa inicyjatyvie ŭładalnikaŭ kanała.
«Jaho schavali nie my, a… «Biełaruśfilm». Tak, macioryja biełaruskija kinošniki nie vynieśli svaich pačućciaŭ, vyklikanych našym razboram, i kinuli strajk. Vynik — videa vydalenaje, — napisaŭ Ivan Prus. —
My ździŭleny tamu, nakolki ž tonkaja dušeŭnaja arhanizacyja hałoŭnaj respublikanskaj kinastudyi, jakaja za biudžetnyja hrošy vypuściła, kali vieryć savieckim hazietam, svoj samy hučny chit apošnich hadoŭ — i absalutna naturalnym čynam sarvała anšłahi va ŭsich kinateatrach krainy. Ździŭlaje, jakim krochkim apynuŭsia hety tryumf, tak? I heta pry tym, što režysior Kiryła Chalecki pieradaŭ nam, što ŭ vypusku jamu nie chapiła «piarčynki»…»
Za los hetaha razboru Prus abiacaje pazmahacca, ale «pakul nie razumiejem, čym heta ŭsio ŭviančajecca».
«A «Biełaruśfilm» chočacca paškadavać, ci što: jon adzin suprać usiaho śvietu, a vialikaje kino jamu tolki śnicca. I lepš by jamu nie pračynacca — bo nie daj boh vyśvietlicca, što paciešnyja chłopčyki ŭ štorach, tak atrymlivajecca, majuć racyju zaŭsiody i va ŭsim», — iranizuje Ivan Prus.
U škoły rassyłajuć patrabavańnie pisać vodhuki na film «Kłasnaja». Minadukacyi: Heta fejk
Na film «Kłasnaja» zahoniać usich
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
U Biełarusi zdymajuć novaje prapahandysckaje kino, kab padletki kinulisia pastupać va ŭniviersitet na nastaŭnikaŭ
Kamientary
Pa-druhoje słova "kałhaśnik" heta nie łajanka, hetaja takaja ž prafiesija jak prahramist, ślesar abo doktar.