9 śniežnia z-za nalotu dronaŭ uviali časovyja abmiežavańni na vykarystańnie pavietranaj prastory kala maskoŭskaha aeraporta «Šaramiećcieva». U suviazi z hetym admienienyja i rejsy avijakampanii «Aerafłot» u Minsk i ź Minska.
Skasavany rejs z Maskvy ŭ Minsk, pryznačany na 18:35, a taksama rejs ź Minska ŭ Maskvu na 20:10. Adpaviednyja rejsy na 22:15 i 22:40 pakul zastajucca ŭ raskładzie.
«Aeraport praciahvaje absłuhoŭvańnie rejsaŭ rasijskich i zamiežnych avijakampanij na vylet i prylot pa ŭzhadnieńni z adpaviednymi orhanami. Majucca karekciroŭki ŭ raskładzie palotaŭ. 14 rejsaŭ pajšli na zapasnyja aeradromy, 16 rejsaŭ admieniena. U suviazi z uviedzienymi abmiežavańniami ŭ metach biaśpieki palotaŭ avijakampanii karektujuć raskład palotaŭ. Čas absłuhoŭvańnia pasažyraŭ pavialičany. Pasažyram treba być hatovymi da bolš praciahłaha čakańnia pry absłuhoŭvańni rejsaŭ na vylet i prylot u suviazi ź mierapryjemstvami, jakija pravodziacca ŭ metach harantavańnia biaśpieki», — havorycca ŭ paviedamleńni pres-słužby aeraporta «Šaramiećcieva».
Mer Maskvy Siarhiej Sabianin paviedamiŭ, što rasijskija siły SPA źbili try ŭkrainskija drony, jakija lacieli na Maskvu.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary