Cierciel: Pamiž Biełaruśsiu i Polščaj idzie dyjałoh, my dasiahniom vyniku
«Heta ciažkaja i surjoznaja praca, ale vynik budzie dasiahnuty», zajaviŭ staršynia KDB Biełarusi Ivan Cierciel. Jon namiakaje, što ad Polščy patrabujuć admovy ad padtrymki antyłukašenkaŭskich sił.
«Z Polščaj u nas idzie dyjałoh. Ja b skazaŭ, što my dasiahniem vyniku. Treba, kab polski bok, skažam tak, stymulavaŭ niekatorych svaich sajuźnikaŭ vykanać svaje sajuźnickija abaviazacielstvy. U nas takoje razumieńnie jość, u ich taksama razumieńnie jość. Praca ciažkaja, surjoznaja praca», — skazaŭ Ivan Cierciel.
Pavodle jaho słoŭ, dyjałoh z polskim bokam nie spyniaŭsia nikoli, isnavali kantakty pamiž dypłamatyčnymi viedamstvami na roznym uzroŭni.
«Ciapier jany pierajšli ŭ bolš aktyŭnuju fazu. Kaniešnie, jość kantakty pamiž śpiecsłužbami», — skazaŭ Cierciel.
«My peŭny vodhuk znachodzili, ale nie zaŭsiody znachodzili rašeńnie tych ci inšych vostrych prablem. Ciapier takich vostrych prablem faktyčna try-čatyry jość. Jany źviazanyja ź nieabchodnaściu rabić sustrečnyja kroki, razumiejučy našu zacikaŭlenaść u ekanamičnym raźvićci, raźvićci suviaziej pamiž ludźmi. I inšyja pytańni, jakija patrabujuć rašeńnia KDB», — dadaŭ kiraŭnik viedamstva.
Jon adznačyŭ, što abmiarkoŭvajucca i pytańni, źviazanyja z tym, što łukašysty nazyvajuć «padryŭnymi centrami», jakija isnujuć na terytoryi susiednich dziaržaŭ — u krainach Bałtyi, Polščy i Ukrainie. Havorka idzie pra apazicyjnyja struktury za miažoj i biełaruskich dobraachvotnikaŭ.
«My abmiarkoŭvajem z našymi kalehami dosyć adkryta ŭ chodzie hetych kantaktaŭ. Jany razumiejuć, što tyja prajekty, jakija namiačalisia i pačali realizoŭvacca ŭ 2020 hodzie, užo niemahčyma realizavać. Tamu dla ich heta peŭny hruz, iaki jany chacieli b ź siabie skinuć i nie mieć hetaha razdražnialnika ŭ adnosinach», — śćviardžaje Cierciel.
U Polščy Ivana (u dziacinstvie — Jana) Cierciela ličać adnym z architektaraŭ tatalitarnaha režymu ŭ Biełarusi. Jaho źviazvajuć taksama z arhanizacyjaj nielehalnaj mihracyi, jakaja vymusiła Polšču pabudavać na miažy sistemu zaharod.
-
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? Jaje abvinavačvajuć u Estonii ŭ machlarstvie
-
Tavarnyja znaki servisu kvitki.by pierajšli «Biełaruskim łatarejam»
-
Za palityku asudzili Mikitu Bieražkova, byłoha pres-ataše chakiejnaha «Dynama» i syna eks-redaktara «Presboła»
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie, aryštavali 1,8 młn jeŭra na jaje rachunkach20
Kamientary