Cierciel: Pratasievič pracavaŭ na terytoryi šerahu dziaržaŭ u bajavoj abstanoŭcy
Kiraŭnik KDB namiaknuŭ, što Raman Pratasievič byŭ ahientam biełaruskich śpiecsłužbaŭ padčas pajezdki ŭ połk «Azoŭ» u 2015-m. I zajaviŭ, što Pratasievič źlivaŭ siłavikam udzielnikaŭ pratestaŭ 2020-ha.
«Paćviardžaju: tak, Pratasievič źjaŭlajecca supracoŭnikam našaj zamiežnaj raźviedki. Hety čałaviek pracavaŭ na terytoryi šerahu dziaržaŭ u bajavoj abstanoŭcy. Vykonvaŭ važnyja zadačy. Viadoma, pra ich ja havaryć nie mahu. Mahčyma, da kanca (tak byvaje ŭ našaj prafiesii) heta nie budzie raskryta. Ale jaho ŭkład byŭ davoli značnym pa šerahu aśpiektaŭ», — skazaŭ staršynia KDB.
Ivan Cierciel padzialiŭsia niekatorymi padrabiaznaściami. Naprykład, u 2020 hodzie kiraŭnik KDB «dakładvaŭ pra zadumy praciŭnika»:
«U tym liku — chto kudy budzie iści, kaho nakiroŭvać, dzie jany płanujuć što rabić».
Upieršyniu pra toje, što Pratasievič — «naš čałaviek» i «daŭni čałaviek biełaruskaj raźviedki», Łukašenka zajaviŭ 31 kastryčnika.
«Doŭha raskazvać nie budu. Pratasievič — heta supracoŭnik našaj raźviedki. Nam treba było jaho zatrymlivać? A voś pytańnie, čamu jany [rejsam Ryanair] u Vilniu lacieli [23 maja 2021 hoda — NN], tam nie sieli, a raźviarnulisia i ŭ Minsk prylacieli, sieli paśla zvanka, što ŭ ich na borcie tam niejkaja vybuchoŭka… Nu sadziciesia, vy ŭ Vilniu lacieli, nad Vilniaj byli — sadziciesia. Raźviarnulisia, prylacieli ŭ Minsk. Sieli ŭ Minsku. Ja kažu: «Nu što, pravodźcie apieracyju, jon ža pad prykryćciom pracavaŭ hetych źbiehłych. Pravodźcie apieracyju jak naležyć», — zajaviŭ jon.
«Pryjšłosia nam apieracyju pravodzić pa jaho zatrymańni. Chacia nam nie treba było jaho zatrymlivać. Jon pryjechaŭ u Hrecyju, jaho tudy vyklikali, jon davioŭ raźviedčykam usio, što nas cikaviła, atrymaŭ zadańnie i lacieŭ nazad. Tudy, dzie pracavaŭ, praź Vilniu. Nas abvinavacili ŭ tym, što my zatrymali apazicyjaniera. A jon nie naš apazicyjanier. My nie zatrymlivali apazicyjaniera. Voś uviali sankcyi», — skazaŭ Łukašenka 31 kastryčnika, vystupajučy ŭ Lepielskim rajonie.
«U hetaj infarmacyi byŭ surjozny pracent źviestak, jakija zdabyvaŭ Pratasievič. Tamu našy pravaachoŭnyja orhany dziejničali ŭ toj pieryjad davoli ŭpeŭniena, viedali, jak situacyja budzie raźvivacca. Akramia taho, całkam dziakujučy jaho pracy my vałodali dynamikaj stvareńnia hetych padryŭnych centraŭ: chto za imi stajaŭ, chto finansavaŭ, chto (naprykład, były premjer Polščy) pryjazdžaŭ tudy, jakija hrošy abiacaŭ, ź jakoha fondu, kolki pasad vydzielili na varšaŭski ofis, jaki tam peŭnyja «dziejačy kultury» ciapier sprabujuć raźvivać biezvynikova. Heta jaho [Ramana Pratasieviča] praca», — skazaŭ Ivan Cierciel.
Raniej vykazvałasia mierkavańnie, što Raman Pratasievič moh być zavierbavany biełaruskimi śpiecsłužbami ŭ 2010-ja, ale razarvać suviazi ź imi paśla taho, jak jamu ŭdałosia vyjechać u Polšču.
Čytajcie taksama: Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Ciapier Minsk moža vieści składanuju hulniu adnosna jaho, kab vykarystoŭvać jaho dla dyskredytacyi biełaruskaj apazicyi i adnačasova, kab vyjści z-pad sankcyj za prymusovuju pasadku samalota «Rajanejra» ŭ 2021 hodzie.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary
tiepieŕ ostałoś jeho tolko nahradiť.... Miedalju imieni dyktatora.