Časopis Forbes apublikavaŭ rejtynh samych maładych miljarderaŭ śvietu za 2025 hod. U śpis uvajšli pradprymalniki va ŭzroście da 40 hadoŭ. Usiaho ŭ rejtynhu naličvajecca 71 čałaviek, a sumarny abjom ich kapitału dasiahaje 218 miljardaŭ dołaraŭ — heta rekordnaja ličba z 2021 hoda.
Samymi maładymi miljarderami stali try 22‑hadovyja suzasnavalniki startapu Mercor — amierykancy Adarš Chiremat, Brendan Fudzi i Surja Midcha.
Kampaniju, jakaja zajmajecca padboram piersanału z vykarystańniem štučnaha intelektu, jany zasnavali dva hady tamu, a ŭ kastryčniku 2025 hoda jaje acanili ŭ 10 miljardaŭ dalaraŭ. Kožny z maładych pradprymalnikaŭ ciapier maje kala 2,2 miljarda dalaraŭ, što robić ich samymi maładymi miljarderami ŭ śviecie, jakija svajo bahaćcie zarabili samastojna.
U cełym bolšaść udzielnikaŭ rejtynhu zarabili svaje hrošy ŭ śfiery vysokich technałohij, a taksama ŭ finansach i inviestycyjach. Pry hetym pośpiech prychodziŭ nie tolki dziakujučy štučnamu intelektu.
Samym bahatym miljarderam va ŭzroście da 40 hadoŭ, jaki sam stvaryŭ svoj kapitał, staŭ 38‑hadovy amierykaniec Edvin Čen — zasnavalnik i hienieralny dyrektar ŠI-startapa Surge AI. Jahonaje bahaćcie aceńvajecca ŭ 18 miljardaŭ dalaraŭ.
Druhoje miesca zaniaŭ 38‑hadovy Van Nin, zasnavalnik kitajskaj kampanii Pop Mart International Group, čyj kapitał składaje kala 15,7 miljarda dalaraŭ. U 2025 hodzie košt akcyj Pop Mart značna vyras z-za pavieličeńnia papularnaści jaje kalekcyjnych cacak.
Amierykanskaja śpiavačka Biejonse ŭvajšła ŭ kłub miljarderaŭ
Iłan Mask staŭ pieršym čałaviekam u historyi z aktyvami bolš za 700 miljardaŭ dalaraŭ
Vialikabrytanija pieradaść 2,5 miljarda funtaŭ sterlinhaŭ, jakija Abramovič atrymaŭ ad prodažu «Čełsi», u fond dapamohi Ukrainie
Kitajskija miljardery stanoviacca baćkami dziasiatkaŭ dziaciej u ZŠA dziakujučy surahatnym maci. Adzin ź ich zajaviŭ pra 100 dziaciej
Kamientary