Iłan Mask staŭ pieršym čałaviekam u historyi z aktyvami bolš za 700 miljardaŭ dalaraŭ
Iłan Mask staŭ pieršym u historyi čałaviekam, čyje aktyvy pieravysili $700 miljardaŭ, paviedamlaje Forbes. Heta adbyłosia paśla taho, jak Viarchoŭny sud amierykanskaha štata Dełaver skasavaŭ papiaredniuju pastanovu nižejšaha suda, jakaja pryznavała niadziejnym uznaharodžańnie Maska ŭ vyhladzie apcyjonaŭ na akcyi Tesla. Ciapier ich košt aceńvajecca na $139 miljardaŭ.
Raniej u hetym ža śniežni Mask staŭ pieršym čałaviekam z aktyvami bolš za $600 miljardaŭ. Pavodle Forbes, dziel Maska ŭ SpaceX (prykładna 42%) paśla śniežańskaha tendara ŭzrasła da $336 miljardaŭ, a ahulnaja acenka kampanii dasiahnuła $800 miljardaŭ, u paraŭnańni z $400 miljardaŭ u žniŭni.
Ciapier samym darahim aktyvam Maska znoŭ źjaŭlajecca Tesla. U dadatak da apcyjonaŭ na akcyi, Masku naležyć 12% zvyčajnych akcyj kampanii, košt jakich składaje $199 miljardaŭ. Ahulnaja acenka jaho aktyvaŭ u Tesla — $338 miljardaŭ.
Dola ŭ SpaceX ciapier krychu mienš kaštoŭnaja — na $2 miljardy mienš za aktyvy ŭ Tesla. Adnak mienavita SpaceX moža zrabić Maska pieršym u śviecie tryljanieram paśla IPO ŭ 2026 hodzie, kali kampanija moža być acenienaja na $1,5 tryljony.
Druhuju pazicyju ŭ rejtynhu miljarderaŭ Forbes zajmaje suzasnavalnik Google Łary Pejdž z $252,7 miljarda, treciuju — staršynia Oracle Łary Elisan ($242,8 miljarda), čaćviortuju — zasnavalnik Amazon Džef Biezas ($239,4 miljarda), a piataje miesca — suzasnavalnik Google Siarhiej Bryn ($233,2 miljarda).
Daradčyca Trampa acharaktaryzavała jaho jak pomślivuju asobu z charaktaram ałkaholika, a Maska — jak kietaminščyka
«Čałaviekam hoda» pa viersii Time stali adrazu vaśmiora «architektaraŭ štučnaha intelektu»
«Tam niama cenzury dla nacysckich vitańniaŭ». Sikorski pasłaŭ Maska na Mars za zakliki raspuścić ES
U sučasnym śviecie 10% bahaciejaŭ zarablajuć bolš, čym rešta nasielnictva Ziamli
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary