93 pryharadnyja aŭtobusy nie dajechali da kancavoha punkta maršrutu, u 43 vypadkach maršruty byli admienienyja
Jak i Minsk, praktyčna ŭsia Minskaja vobłaść znachodzicca va ŭładzie cykłonu «Uli». Usie słužby centralnaha rehijona pracujuć u kruhłasutačnym režymie. Pra heta paviedamiŭ načalnik Minskaha abłasnoha ŭpraŭleńnia MNS Siarhiej Łapanovič, piša «Minskaja praŭda».
— Na darohach fiksujucca zatory. Razam z tym, vialikich prablem na asnoŭnych respublikanskich trasach niama, adnak ciažkaści ŭ ruchu ŭsio ž majuć miesca, — padkreśliŭ Siarhiej Łapanovič.
Što da situacyi na čyhuncy, asobnyja ciahniki iduć z adchileńniem ad hrafika.
— Zatrymki fiksujucca na maršrutach Minsk — Orša, Minsk — Homiel, Minsk — Brest. Zarehistravana zatrymka 20 ciahnikoŭ na 6—57 chvilin. Na žal, u śniežnych zanosach zachrasaje i hramadski transpart.
— Zafiksavana 93 vypadki, kali pryharadnyja aŭtobusy nie dajechali da kancavoha punkta maršrutu. Jašče ŭ 43 vypadkach maršruty byli admienienyja albo transpart nie zajazdžaŭ na prypynačnyja kompleksy. Bolš za 40 aŭtobusaŭ nie dajechali da kancavoha prypynku. Padraździaleńni MNS kala 40 razoŭ pryciahvalisia dla vyzvaleńnia transpartu, jaki zachras u śniezie, — adznačyŭ Siarhiej Łapanovič.
Isnujuć prablemy z prajezdam śpiecyjalnaha transpartu da miescaŭ vykliku.
— Tak, zafiksavana 8 takich vypadkaŭ dla aŭtamabilaŭ chutkaj miedycynskaj dapamohi: u Biarezinskim, Červieńskim, Minskim, Niaśvižskim i Lubanskim rajonach. Adnak słužby apieratyŭna zadziejničali ŭboračnuju techniku — u vyniku chutkija, aŭtakramy zmahli dabracca da miesca pryznačeńnia.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary