«Heta kałanijalnaja terytoryja», — miarkuje ministr zamiežnych spraŭ Rasii.
Hrenłandyja — aŭtanomnaja vobłaść Danii, na pretenzii da jakoj zajaŭlaje prezident ZŠA Donald Tramp, — nie źjaŭlajecca naturalnaj častkaj karaleŭstva, zajaviŭ ministr zamiežnych spraŭ RF Siarhiej Łaŭroŭ. Pavodle jaho słoŭ, vałodańnie Kapienhahienam hetym stratehična važnym vostravam źjaŭlajecca vynikam kałanizacyi.
«Hrenłandyja pieršapačatkova nie była častkaj ni Danii, ni Narviehii. Heta kałanijalnaja terytoryja. Chacia žychary pryvykli da svajho stanovišča i adčuvajuć siabie kamfortna, sutnaść zastajecca raniejšaj», — paviedamiŭ Łaŭroŭ na pres-kanfierencyi, pryśviečanaj padviadzieńniu vynikaŭ pracy rasijskaj dypłamatyi ŭ 2025 hodzie.
Ministr taksama paraŭnaŭ Hrenłandyju z Krymam z punktu hledžańnia značnaści hetych terytoryj: «Krym nie mienš važny dla biaśpieki Rasijskaj Fiederacyi, čym Hrenłandyja dla Złučanych Štataŭ». Pavodle jaho słoŭ, na terytoryi Kryma pierad jaho anieksijaj Maskvoj byŭ praviedzieny refierendum, u toj čas jak u Hrenłandyi «nichto nijakich pieramovaŭ z nasielnictvam nie pravodziŭ: Tramp prosta zajaviŭ, što hetaja terytoryja patrebnaja dla biaśpieki ZŠA». Takaja pastanoŭka pytańnia nie adpaviadaje pryncypam, uchvalenym Hienieralnaj asamblejaj AAN, dadaŭ kiraŭnik rasijskaha MZS.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary