U Kobrynie vystavili na prodaž budynak sinahohi XVIII stahodździa
U Kobrynie znoŭ vystavili na prodaž budynak adnoj z najbujniejšych sinahoh Biełarusi — pomnik XVIII stahodździa. Budynak pradajecca za daŭhi kampanii «Žyłbudkamplekt», viadomaj niezavieršanym žyłym prajektam u Minsku. Ciapier abjekt źjaviŭsia na placoŭcy «BiełJurZabieśpiačeńnie», a jaho košt istotna źmienšyŭsia, piša «Smartpres».
Sinahoha znachodzicca na vulicy Pieršamajskaj, 40. Płošča budynka składaje bolš za tysiaču kvadratnych mietraŭ. Heta kamiennaje kultavaje zbudavańnie z mansardaj i prybudovami. Budynak doŭhi čas nie vykarystoŭvajecca i znachodzicca ŭ zaniadbanym stanie, adnak maje status historyka-kulturnaj kaštoŭnaści.
Sinahoha była pabudavana ŭ XVIII stahodździ, kali jaŭrejskaja abščyna składała značnuju častku nasielnictva Kobryna. Da vajny ŭ horadzie dziejničała bolš za siem sinahoh, ale paśla Druhoj suśvietnaj zachavałasia tolki hetaja. Padčas niamieckaj akupacyi budynak staŭ centram hieta, kudy zhaniali jaŭrejaŭ z navakolla.
Paśla vajny sinahoha pierastała vykarystoŭvacca pa relihijnym pryznačeńni: kaštoŭnaści vyvieźli, a pamiaškańni prystasavali pad haspadarčyja patreby. U roznyja hady tut raźmiaščalisia vytvorčyja abjekty, a ŭ 1980‑ch u budynku pracavaŭ cech vypusku piva i biezałkaholnych napojaŭ Kobrynskaha kansiervavaha zavoda. Z 1990‑ch hadoŭ budynak pačaŭ pastupova razburacca.
Raniej abmiarkoŭvalisia płany adnaŭleńnia sinahohi — mierkavałasia tut stvaryć kulturny centr jaŭrejstva Zachodniaj Biełarusi, muziej historyi i etnahrafii, a taksama dziejnuju sinahohu, ale hetyja zadumy tak i nie byli realizavanyja.
Pryčyna prodažu — finansavyja prablemy byłoha ŭłaśnika. Kampanija «Žyłbudkamplekt» nie vykanała abaviazacielstvy pierad sotniami dolščykaŭ u Minsku, paśla čaho jaje kiraŭniki byli asudžanyja, a majomaść vystaŭlenaja na tarhi.
Razam z budynkam novy ŭłaśnik atrymaje ziamielny ŭčastak płoščaj 57 sotak, jaki možna vykarystoŭvać tolki dla relihijnych (kultavych) met. Elektronnyja tarhi pryznačanyja na 3 lutaha, pačatkovaja cana składaje 122 tysiačy rubloŭ — značna mienš, čym letaś, kali sinahohu sprabavali pradać za 600 tysiač.
Na radzimie apošniaha karala Rečy Paspalitaj pradajuć budynak byłoj plabanii
Pad Vałožynam na prodaž vystavili prybiralniu-špakoŭniu. Prosiać 2280 rubloŭ
Budynak byłoha klaštaru ŭ Hłybokim znoŭ vystavili na aŭkcyjon
Histaryčny budynak pradajuć za 42 rubli va Ušackim rajonie
Hety budynak u Baranavičach pradavali za adnu bazavuju, ale cana na aŭkcyjonie skoknuła da $40 tysiač
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary