Беларускі хакеіст змяніў у НХЛ клуб, іншага выставілі на драфт адмоў
Абаронца Ілля Салаўёў змяніў «Каларада Эвэланш» на «Пітсбург Пінгвінз».
«Пітсбург» займае восьмае месца ў турнірнай табліцы Усходняй канферэнцыі, у той час як ужо былы клуб беларуса з адрывам лідзіруе на Захадзе.
У гэтым сезоне Ілля згуляў усяго 16 матчаў за «Каларада», набраўшы тры балы (адна шайба + дзве галявыя перадачы». Усяго ў Нацыянальнай хакейнай лізе ў яго з 2023 года, Салаўёў гуляў таксама за «Калгары», за два сезоны правёўшы 31 матч (1+6).
Таксама ў актыве абаронцы больш за 250 паядынкаў у Амерыканскай хакейнай лізе і 73 (20+53) выніковыя балы.
У гэтым сезоне ў НХЛ гуляюць наступныя беларусы: Аляксей Протас («Вашынгтон»), Ягор Шаранговіч («Калгары»), Улад Калячонак («Бостан»), Аляксей Коласаў («Філадэльфія»), Мікіта Талапіла («Ванкувер»).
Праўда, Калячонка «Бостан» выставіў на драфт адмоў, яго могуць забраць бясплатна. Калі гэтага не адбудзецца, то Улада адправяць у фарм-клуб. Калячонак пачынаў сезон у «Даласе», але потым быў адпраўлены ў «Бостан», усяго ў гэтым сезоне згуляў 13 матчаў, набраўшы тры балы (1+2).
У Коласава і Талапілы ўсяго па тры і два матчы ў гэтым сезоне.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты46
Каментары